Эргымлан Кузык

ЭРГЫМЛАН КУЗЫК / Приданое для сына

Миклай Рыбаковын «Эргымлан кузык» пьесыже кодшо курымын 80-ше ийлаштыже возалтын. Тиде спектакльым икымше гана Шкетан театрын сценыштыже 1988 ийыште шынденыт. 1992 ийыште Марий самырык театрын репертуарышкыже пурен. Ятыр ий эртымеке, угыч Шкетан театрыш пӧртылеш. Очыни, тидлан амалжат уло. Пьесыште моткоч пӱсӧ проблеме нӧлталалтеш: ава да икшыве кокласе кыл. Тиде курымашлык йодыш кеч-могай пагытыштат илаш тӱҥалеш. Калыкыште ойлат: ава чон икшыве пелен, икышыве чон – кӱ пелен. Тыге каласымым пьесе тӱрыснек пеҥгыдемда.
 Серапи лӱман ялысе марий ӱдырамаш ӱмыр мучкыжо эргыжлан тырша. Тудын пиалже верч чыла ышташ ямде, кӱлеш гын, шӱмжымат луктын пуа. Чаманаш гына кодеш, эргыже аважын йӧратымашыжым аклен ок мошто, чонжылан келшыше ӱдырым муын, ешым чумырен, аважын чыла ышташ ямде улмыж дене пайдаланен ила. Серапи – кӧргӧ чонжо дене моткоч виян, пеҥгыде уш-акылан ӱдырамаш. Но икшывын йӱштӧ улмыжо, аклен моштыдымыжо тудым кӧргӧ гыч кочкеш…
————————-

Пьеса «Эргымлан кузык» («Приданое для сына») М.Рыбаковым была написана в 80-е годы прошлого столетия. В 1988 году  спектакль был поставлен на сцене театра Шкетана. И вот спустя несколько лет вновь возвращается. И не случайно. Ведь проблема, которую ставит автор в этой пьесе, вечная.  Переходя из поколения в поколение, она остается нерешенной. Совершенно верно, это тема «Отцов и детей». Непонимание — это недостаток современного общества, а непонимание между «отцами» и «детьми» — это трагедия двух поколений. Оно является главной причиной, предпосылкой для возникновения проблемы.

Режиссер-постановщик – Олег Иркабаев
Художник-постановщик – Сергей Таныгин
Композитор – Вениамин Захаров

Рольым модыт:
СЕРАПИ – Маргарита Медикова, Светлана Строганова
МИКИ – Алексей Тетерин
ФИФА – Наталия Алексеева, Марина Воронцова
НИКАНДР КУГЫЗА – Олег Кузьминых
МАРИНА – Алина Егошина
ЭНСАЙ КАЖАЕВ – Андрей Бусыгин, Андрей Яруков
ЧЕМЕКОВ – Эдуард Яковлев
СУРМАНАЕВА – Галина Иванова, Марина Почтенева
МУРЫЗО — Иван Смирнов

Поделиться ссылкой:

Спектакль нерген шонымашдам возыза / Оставьте отзыв о спектакле

© Шкетан театр - 2020

Top