Театр пашаеҥ-влакат куржталыныт

{phocagallery view=category|categoryid=273|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}

2 июньышто Волжскиий район Шайра кундемыште, кумдан палыме Мӱшыл ер (Морской глаз) воктене, йӱлаш пурышо курыкышто куржталмаш эртен. Тудо тений М.Шкетан лӱмеш Марий драме театрын 100 ияш лӱмгечыжлан пӧлеклалтын.
Спорт пайремым торжественно почмеке, стартыш эн ончычак тӱҥ режиссер Р.Алексеев ден пырля артист да театрыште ыштыше моло пашаеҥ-влак лектыныт. Кок километр кутышым самырык артист-влак И.Соловьев ден М.Воронцова эн ончыч куржын эртеныт. Эстафетыштат театрын артистше-влак сай результатым ончыктеныт.
Тӱрлӧ кужытышто куржталмашке ушнышо-влаклан театрын Дипломжым, сеҥыше-влаклан театрын символикыж дене ямдылыме Кубокым да Дипломым кучыктымо.
А кастене Нурмучаш Шайра тӱвыра пӧртыштӧ театрын артистше-влак кугу концертым ончыктеныт. Программе муро ден куштымашлан, мыскаралан поян лийын. Зал тич погынышо калык Шкетан театрын артистше-влакым пеш шокшын вашлийын. Тиде вашлиймаш артист-влакынат, верысе калыкынат ушешышт да чонешышт кужу жаплан шарнаш кодеш.