Шочмо кечын – икымше гана

Салика. 900-ше гана.

29 ноябрь – М.Шкетан лӱмеш Марий кугыжаныш драме театрын шочмо кечыже. Тений тудо поснак ойыртемалтше лийын. Тиде кастене С.Николаевын пьесыж почеш шындыме «Салика» спектакльым сценыште 900-шӧ гана модмо. Тидат веле огыл, тудым онлайн йӧн дене ончаш йӧным ыштыме. Тыге, Марий театрын визитный картычкышкыже савырныше тиде спектакльым кумда тӱнян чыла кундемыштыже илыше марий-влак ончен кертыныт да онченыт. Чылаже 77 билетым налыныт, а ик еҥ тудлан 5 тӱжем теҥгем тӱлен. Тыге тудо театрлан полшаш шонымаш дене ыштен, векат. Тау!

Тиде кастене артист-влак поснак кугу кумылын модыныт. Спектакльым «Марий кундем» калык семӱзгар ансамбльын шоктымыжо сӧрастарен. Сӱан сцене поян лийын, вет тушто артист-влак дене пырля «Марий памаш» калык ансамбльын участникше-влак мурен–куштеныт. Ончышо-влак залыште посна сцене-влакым совым кырен вашлийыныт.
Икманаш, 29 ноябрь марий театр искусствым йӧратыше-влаклан чынжымак пайремыш савырнен.

Мыланна увертарат.

Раисия Сунгурова, Сургут:

«Ойлат, Йӱдвел марий-влак путырак сай илена. Ала-ала… Мутлан, ме, Сургут марий-влак, Марий Эл деч 2100 меҥге тораште улына, шонымо семын концертыш я спектакльыш миен от кошт. Ик эн кугу йомдарымаш — тӱвыра аланыште эртыше шуко событий деч торлышо улына. Отпускна кужу гынат, шукыж годым кеҥежлан логалеш. Театр тургымым ты пагытлан петыралтеш. Кеч ик гана «Майатулыш» логалаш ыле…


Шке нергенемак ойлаш гын, ынде ятыр ий чонем йӱла марий театырыш миен, шер теммеш сылне марий спектакль-влакым ончышаш верч. Пандемий тӱҥалме дене театр-влак ятыр постановкын записьшым интернетыш луктыч. Умылаш лиеш, ты пагытлан иктат ямде лийын огыл, садлан нуно начар качестван улыт. Туге гынат ме, торасе марий-влак, вучен шуктышна, кунам театр шкеже мемнан омсанам тӱкалтыш. Тиде кугу куан! Икымше ошкыл — «Салика» спектакльым online ончышна. Куанен, шыргыжын, кунамже шинчавӱдым луктын. Йӱк, сурет — чыла раш. Эсогыл посна герой-влакын ончалтышыштым, койышыштым экраныште кугу план дене, лишычын ужаш лиеш, тидыжым залыште шинченат чылаж годым от уж. Ме, Сургут марий-влак икмыняр еш ден рӱж погынен ончышна. Икшыве-влакнат, йыр модын куржталыштшыла, чарнен-чарнен ончат — ача-аван мутланыме йылме дене сӱретым кугу экраныште ужын-колаш нуныланат пиал! ТАУ!!!

Ирина Мирнова, Санкт-Петербург:

«Эрик, доброе утро, спасибо за спектакль!!!!! Вы очень внимательный и талантливый руководитель, так приятно. От всей семьи вам благодарность за онлайн версию спектаклей! Супруг не мари, но оценил качество и подачу спектакля, даже посмотрел. Для марийцев вне республики как глоток воздуха! Мы не можем себе позволить, например, в Петербург привезти весь спектакль, если только гранты выиграем, но и собрать аудитории при нынешнем положении дел сложно. А так каждый сам по себе посмотрел и приобщился к родной культуре. Большущая просьба, очень хочется видеть детские спектакли. Уже поколения детей выросли вне марийской общности, абсолютно не признают свою родовую принадлежность, не поддерживают свои корни, становясь петербуржцами и русскоязычными. Сейчас у нас новые поколения вновь появляются здесь, только я могу насчитать детей от 2-10 лет около 20-30 человек, а их, уверена, больше по всему миру… У вас получилось сделать хорошего качества спектакль, думаю, и иное может получиться. Практика отличная, с 2-х камер было очень удобно наблюлать за спектаклем, я даже прослезилась, как обычно от сюжета и игры актеров. Вы лучший театр, мой дедушка там работал, горжусь вами безмерно! Надеемся, что за вами будущее нашего народа. Пока нет ни единого центра, кто бы мог так здорово всех обьединить, дать почву для культурного развития! Если нужны выходы или официальные запросы, чтобы запросить площадки в Петербурге от общественности для выступлений, приема делегации и иного содействия в работе. В данный момент я руководитель небольшой юр.организации мари в Петербурге, всячески готова содействовать любым мелочам для общего дела. Спасибо, что вы руководитель национального театра!»

Поделиться ссылкой:

© Шкетан театр - 2020

Top