М.Шкетан лӱмеш Марий драме театрын актрисыже Людмила Казанцевалан «Марий Эл Республикын сулло актрисыже» чап лӱмым пуымо. Тиде кугу лӱмым Людмила сай пашаж дене сулен. 20 ий театрыште ыштыме жапыште тудо поян репертуарым чумырен. Тиде актрисе поян да кугу кӧргӧ виян образым чоҥымыж дене ойыртемалтеш. Тидын нерген тӱрлӧ фестиваль годым жюри член-влакат ик гана веле огыл палемденыт. Тыге «Кугерге» (А.Вампилов) спектакльыште Нинан, «Айдеме йӧратымаш» (Д.Богославский) спектакльыште Льюскан рольжо-влакым чоҥымылан «Театральный Йошкар-Ола» фестивальыште «Эн сай ӱдырамаш роль» номинацийыште Йыван Кырля лӱмеш премий дене палемдалтын. Талантан тиде актрисым ончыкыжо эше шуко чапле роль вуча манын пеҥгыдын ойлаш лиеш.