Тыгай лӱм дене эртара 6 июньышто шке лӱмгече касшым РФ-ын сулло, РМЭ-н калык артистше Василий Домрачев.
Василий Домрачевын лӱмжӧ калыклан киноактер да театрыште модшо артист семын палыме. Пытартыш жапыште сценыш режиссер семын спектакль-влакым луктеш.
Усталык касыштыже В. Домрачевым Полат Акпай («Салика» спектакль) рольышто ужаш йӧн уло. Артист-влак тудын шындыме «Пысман корем», «Кайыккомбо кашта», «Йӧратымаш!. Йӧратымаш? Йӧратымаш…», «Ава капитал», «Мӱндыр ялыш толын каче» спектакльла гыч ужашым модын ончыктат. Касым муро да куштымаш-влак сӧрастарат.