Трагедий
Тул гай шижмаш дене йӱлышӧ кок чонлан йӧратымашым йомдараш моткоч неле. Чынрак каласаш гын, йӧратыме айдемым йомдараш. Икте-весыштым чот йӧратыше мужырым ойыраш амалжат лийын: рвезе – улан еш гыч, а ӱдыр – тыглай проста туныктышын шочшыжо. Рвезын ачаже нуным йӱкшыктараш шонен пышта, эсогыл ӱдырын чапшым волташ тӱрлӧ йӧным кучылтеш.
Кузе лияш тыгодым нунылан, кӧмыт икте-весышт деч посна илен огыт керт? Чонышто улшо юзо вийым сеҥен, ойырлаш лиеш мо? Уш кайымеш йӧратыше да шижмаш дене вӱдылалтше еҥ-влаклан «мландӱмбаке волаш» ала кӱлешлыкшат уке? Ала мӧҥгешла… Нине йодыш-влаклан вашмутым Фридрих Шиллерын «Коварство и любовь» пьесыж почеш шындыме «Осал чоялык да йӧратымаш» у спектакльыште муаш лиеш. Марлашке тудым Марий Элын калык поэтше Геннадий Сабанцев-Ояр кусарен.
Режиссер-постановщик – Роман Алексеев
Художник-постановщик – Светлана Кислицына
Композитор – Сергей Маков
Марий йылмыш Геннадий Сабанцев кусарен
Рольым модыт:
Фон Вальтер, немыч герцогын мландыштыже президент – арт. Иван Смирнов, арт. Эдуард Яковлев
Фердинанд, тудын эргыже, майор – арт. Павел Ефимов, арт. Игорь Антропов, арт. Михаил Александров
Фон Кальб, гофмаршал – арт. Сергей Данилов, арт. Андрей Бусыгин
Леди Мильфорд, герцогын фавориткыже – арт. Людмила Казанцева
Вурм, президентын личный секретарьже – арт. Алексей Сандаков, арт. Александр Бирюков
Миллер, семым шокташ туныктышо (музыкант) – арт. Олег Кузьминых, арт. Юрий Алексеев
Тудын ватыже – арт. Антонина Антонова, арт. Светлана Филиппова
Луиза, тудын ӱдыржӧ – арт. Светлана Александрова, арт. Марина Воронцова
Софи, леди Мильфордын камеристкыже – арт. Наталия Алексеева, арт. Марина Трутникова
Герцогын камердинерже – арт. Владислав Виногоров
Премьере – 8 ноябрь 2016 ий
{phocagallery view=category|categoryid=170|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}