Театрын художественный вуйлатышыже В.Пектеев, артист-влак А.Егошина, М.Почтенева, С.Филиппова да И.Соловьев С.Чавайн лӱмеш Марий национальный книгагудо пелен чумырымо Краевед-влакын клубыштын вашлиймаштыже лийыныт. Тиде гана тудо Российыште Театр идалыклан да М.Шкетан лӱмеш Марий национальный драме театрын 100 ияш лӱмгечыжлан пӧлеклалтын ыле.
Василий Александрови театрын кызытсе репертуарже, ончыкылыклан паша план дене палдарен, театр-влак ончылно шогышо йодышым тарватен. Артист-влак марий поэт-влакын почеламутыштым лудыныт, мурым пӧлекленыт.
Краеведений пӧлкаште кызыт театр темылан пӧлеклалтше книга выставке пашам ышта.