У тургым у паша-влакым сӧра

М.Шкетан лӱмеш Марий театрын коллективше  тиде кечылаште черетан отпуск гыч канен лекте. Тыге репетиций эртарыме заллаште, тӱрлӧ цехлаште уэш паша тӱҥале.

Ыштышаш сомыл  молгунамсе семынак шуко. Мутат уке, тидыже эн ончычак  сценыш у пашам лукмо дене кылдалтын.  Тыге, мутлан,  шошым тургым петыралтмеке,  артист-влак «Ӱдыр таҥлан мужыр» (В.Красногоров, «Три красавицы»), «Оскар и Розовая дама» (Э.Шмитт) спектакль-влакым ямдылаш тӱҥальыч, У.Шекспирын  «Укрощение строптивой»  пьесыжым  лудыч. Лишыл жапыште лач нунын дене пашам умбакыже шуят. Премьерым октябрь-ноябрь тылзылан палемдыме.

Сентябрь тылзыште театр Казаньыште эртыше Тинчурин лӱмеш фестивальыште «Фолкс» спектакльым ончыкташ тӱҥалеш. Декабрь тӱҥалтыште Уфа олаш Кугу гастроль лийшаш.

шкетан театр коллектив 2021 ий 3 август

Поделиться ссылкой:

© Шкетан театр - 2020

Top