5, 6 февральыште Шкетан театр калыкым У.Шекспирын пьесыж почеш шындыме «Торешвате» спектакльын премьерышкыже ӱжеш. Тидын вашеш 25 январьыште республикысе СМИ пашаеҥ-влаклан пресс-конференций лийын.
Журналист-влак эн ончыч спектакль гыч икмыняр ужашым онченыт. А вара вашмутланымаште режиссер ден актер-влак нунын йодышыштлан вашештеныт.
Тидын нерген лишыл жапыште телевиденийыште, радиоэфир гоч, газет ден журнал лаштыклаште каласкалат. Эскерыза, лудса. Да билетым налаш вашкыза.
Тыгайым ужде кодаш огеш лий. Шекспир — чыла пагытлан келшыше автор. Лач тиде пьесыштыже ӱдырамаш ден пӧръеҥ кокласе кыл нерген каласкала. Марий театрын актержо-влак тидым моткоч оҥайын модын келыштарат.
Эх, мом ышта айдеме дене йӧратымаш!…