…1941 ий 21 июньышто Маргостеатрыште С.Николаевын пьесыж почеш шындыме «Лейтенант Огнев» спектакльын премьерже лийын. Тудым режиссер Н. Станиславский шынден. Тиде произведенийыште автор Йошкар Армийын да совет калыкын, тидын шотыштак марий-влакын 1939-1940 ийлаште белофинн-влак ваштареш кредалмышт нерген возен. Ты паша Марий АССР-ын 20 ияш лӱмгечыжлан пӧлеклалтын.
Спектакль почеш тӱҥалын да кужун шуйнен: пелйӱд деч шуко вара – уже 22 июньышто пытен. А тиде жапыште касвелне немыч тушман мемнан эл ӱмбаке керылтын.
Икымше кечыла гычак театрын коллективше гыч пӧръеҥ-влакым Йошкар Армий радамыш налаш тӱҥалыныт.
Сарын икымше ийынже театрын пашам ыштымыж нерген радамлын «Ончыко» журналын 2021 ийысе 6-шо номерыштыже лудаш лиеш.