Самырык-влакым усталык пашалан кумылаҥдышашлан, кок ийлан ик гана республикыштына Самырык-влаклан Кугыжаныш премийлан конкурс эртаралтеш.
2019-2020 ийласе пашам иктешлыше тыгай конкурсышто театр искусство номинацийыште М.Шкетан лӱмеш театрыште «Йыван Кырла. Путевка в жизнь» документальный спектакльым шындыше самырык режиссёр Степан Пектеев лауреат лӱмым сеҥен налын.
14 самырык еҥлан премийым Республикым вуйлатыше А.Евстифеев 25 январьыште, Студент кечын, Правительство пӧртыштӧ кучыктен. Нунын коклаште мемнан коллегынат лийын. Тудым кӱкшӧ награде дене театр коллектив уло кумылын саламла.