Таче – М.Шкетан лӱмеш Марий кугыжаныш драме театрын шочмо кечыже. 1919 ий 29 ноябрьыште Кусныл коштшо театр ола воктенсе Сенькан ялыште О.Тынышын пьесыж почеш икымше гана «Закон шумлык» спектакльым модын ончыктен. Тылеч вара сценыш 400 утла спектакльым лукмо. Марий театрын шулдыржо йымалан республикысе моло театр-влак тӱҥалтышым налыныт да вияҥын толыныт.
Шкетан театрын пӱтынь коллектившым, тыгак ончышо-влакым Шочмо кече дене шокшын саламлена. Усталык коллективын усталык памашшинчаже эре шолын шогыжо, сценыш у да чапле спектакльым лукташ мастарлык да йӧн, ончышын кумылжо театр деке эре мелын лийже. Чылалан пеҥгыде тазалыкым, кужу ӱмырым, илыш пиалым тыланена.