Шкетан театрыште – Шинчымаш пайрем

день-знаний-шкетан

М.Шкетан лӱмеш театр 1 сентябрьыште йоча-влакым тӱрлӧ сынан программе дене куандарен.

Кечывалым Йошкар-Оласе  школла гыч тӱҥалтыш класслаште тунемше-влак кок кутышын «Каша из топора» йомакым онченыт. Тиде жапыштак Советский район Ургакшыште тунемше-влак  марий калыкын йӱлаже да семӱзгарже нерген каласкалыше «Наследий» да «Марий национальный инструмент-влак» программе дене палыме лийыныт.

Марий мифологий материал негызеш шындыме «Ший Пампалче» музыкальный  спектакльыш ача-ава дене пырля да шке семын толшо икшыве-влакым воштончышан фойеште чынжымак пайрем кас вучен. Артист-влак нуным тӱрлӧ модыш дене модыктеныт, таҥасымашым эртареныт. Эн чолга-влаклан Йошкар-Ола каныме паркысе аттракционлашке ӱжмашым кучыктеныт.  Тиде кастене театрыш толшо икшыве-влак МариАйс-ын («Йошкар-Ола хладокомбинат» ООО) тутло мороженыйже дене сийлалтыныт.

Поделиться ссылкой:

© Шкетан театр - 2022

Top