Ныл у спектакль ямдылалтеш

Ик тӱшка артист-влак кызыт В.Красногоровын «Три красавицы» пьесыж дене пашам ыштат. Тудо октябрь тылзыште  «Ӱдыр таҥлан мужыр» лӱм дене сценыш лектеш.  Тиде тылзынак  «Оскар и Розовая дама»  (Э.Шмитт) спектакльын премьерже лиеш.

Эн кугу паша семын У.Шекспирын  «Укрощение строптивой» пьесыжым шындаш ямдылалтмым шотлыман.  Шке жапыштыже тиде оҥай комедийым Марий Элын калык поэтше Семен Николаев марлашке кусарен. Теве тудо сценыш лекме жапшым вучен шуктыш, ноябрьлан спектакль репертуарыш пурен.

«Кум-акак шӱжарак» йомакым артист-влак йоча-шамычлан марла да рушла модаш ямдылат.

Сентябрь тылзыште театр «Йыван Кырла. Путевка в жизнь» спектакльым Казаньыште эртыше  К.Тинчурин лӱмеш национальный драматургий фестивальыште ончыкта.

А тургымым М.Шкетан лӱмеш театр  1 октябрьыште «Югорно» эпос почеш шындыме спектакль дене почеш.

Поделиться ссылкой:

Top