Театр шке ончышыжо-влакым эше ик у спектакль дене куандарыш. Ф.Буляковын пьесыж почеш шындыме «Ныл кувалан ик сӱан» комедийым калык пеш шокшын вашлие.
Шонго-влакын пӧртыштӧ илыше ныл ӱдырамаш гыч кажныжын – шке пӱрымаш корныжо. Но нуным икте уша: илен-толын, чыланат эҥертыш деч посна, шкет кодыныт. Нунын деке толын лекше Йыван пуйто у шӱлышым пурта. Тудын почеш, тудын дене пырля ир чодырашкат каяш ямде улыт.
Тиде теме мемнан ончышылан пеш лишыл. Адакше артист-влак кажныже шке образыш келгын пурымыж дене авторын да режиссерын шонымашыжым калык деке намиен шукташ полшеныт.
Спектакльым режиссер Василий Домрачев шынден, художник – Сергей Таныгин, сем дене Сергей Пчелкин сӧрастарен. Пьесым Светлана Белкова келыштарен да кусарен.
