«Майатулын» дневникше Фестиваль корныш лектын

Сценысе экраныште ик  с?ретым весе алмашта. Ик вере торжественный ужаш эртыме палдырна, весыште  спектакль гыч сценкым эскерена, кумшышто  залыште шинчыше-влак сценыште мо ышталтмым  пеш ?рын ончат манмым умылаш лиеш,  нылымшыште  к? кузе мошта, туге марий сем почеш кушташ тырша …Тиде чылажат Финн-угор театр-влакын т?нямбал фестивальыштын т?рл? ийлаште эртыме пагытшым шарныкта.

А теве сценыш зал гыч кок могырым т?рл? калыкын вургемжым чийыше актер-влак к?зат. Нунын кидыштышт   фестивальын символжо —  ладья.  «Поро кас», «Чеч буреч»,  «Шумбрата»,  «Тере», «Пуры ваде» … —  саламлалтыт нуно залыште шинчыше-влак дене фестивальыш ушнышо финн-угор калык-влакын йылмышт дене.

— Салам лийже, добрый вечер!  – тыге саламлалтеш  залыш погынышо-влак дене Х «Майатул» фестивальын озаже М.Шкетан л?меш Марий кугыжаныш драме театрын т?? режиссержо Роман Алексеев. –Юл кундемысе ик эн мотор ола – Йошкар-Ола —  уэш финн-угор форумыш погынышо уна-влакым вашлиеш. Майатул – тиде суртышто нигунамат й?рыдым? тул. Тиде тулым  финн-угор т?нясе латкок кундем гыч театр коллектив-влак  мемнан деке кондат. Тек тудо  нигунамат ок й?р?,- тыгай шонымашым ойырен палемда тудо  почеламут корныла дене. Вара сценыш  уна-влакым ?жеш.

— Тений т?нямбал «Майатул»  фестивальын учредительже  Марий Эл Республикын правительствыже да  Россий культур министерстве улыт, —  палемда  Марий Эл правительстве председательын алмаштышыже, культур, печать да калык-влакын пашашт шотышто министр М.Васютин да  РФ культур министр В.Мединскийын, Республикысе правительстве председатель Л.Маркеловын фестиваль л?меш колтымо саламлымашыштым лудын пуа.

— Возакыште нигунам й?рыде й?лыш? тул айдемым ырыкта, йырже поро ш?лышым шара. Тиде поро ш?лыш мемнан родо-тукым калык-влак коклаште улмо нерген театр коллектив-влакын пырля чумыргымыштат пе?гыдемда, —  Марий Мер Ка?аш вуйлатыше А.Ивановат саламлымашке ушна. Тудо тыгак Марий Эл Кугыжаныш Погын вуйлатыше Ю.Минаковын саламлымашыжым лудын пуа.

Фестивальым  Йошкар-Олаште РФ йотэл министерствын представительствыже л?м дене А.Утятин,  Российыште  Венгрийын  посольствыжо пеленсе  т?выра р?дер вуйлатын алмаштышыже  Анита Хеди  саламлат.

— Т?ня мучко шаланен илыше финн-угор калык-влак кокла гыч  «Майатул» нерген шукынжо палат, кеч изишак гынат пагалат  манын ?шаныме шуэш, — мутым налмекше палемдыш М. Шкетан л?меш театрын директоржо Ю.Русанов. — Но марий калык деч чотшо ты фестивальым й?ратыше уке дыр, молан манаш гын эртыше индеш фестиваль гыч кудытшо Йошкар-Олаште эртен. А артист-влаклан иктым тыланем: й?ратыза шке пашадам да тиде й?ратымашдам т?ня мучко шарыза.

А вара  Михаил Зиновьевич  фестивальым почылтмо  нерген увертара.

Икымше кечын М.Шкетан л?меш Марий драме театр чуваш драматург А.Тарасовын пьесыж почеш шындыме «Монча кечын»  спектакльым ончаш темлен.  Калык тиде пашам пеш шокшын вашлийын.  Жюри член-влакын  шонымашышт  дене газетнан лишыл номерыштыже палдарена.

Жюри член-влак:

Владимир  Актанаев,  Марий Элын культур, печать да калык-влакын пашашт шотышто министрын икымше алмаштышыже, жюри вуйлатыше;

Кирсикка Моринг, театр критик, «Хельсинки  Саномаат» газетын редакторжо (Финляндий);

Андрес Хейнапуу,  театр критик,  Финн-угор калык-влакын т?нямбал консультативный комитетыштын членже (Эстоний);

Елена Глебова, театр критик,  РФ СТД-н «Страстной бульвар, 10» журналжын редакторжо (Москва);

Армине Оганесян, театровед, театр критик (Москва);

Нияз Игламов, театр критик,  Г.Камала л?меш Татар академический театрын сылнымут  ужашыжым вуйлатыше (Казань).