Эртыше кугарнян Марий Элын калык, Россий Федерацийын сулло артисткыже Маргарита Медикова М. Шкетан л?меш Марий национальный драма театрын изи залыштыже «Шарнен, огына лий ойган…» сылнымут касым эртарен.
Сылнымутым лудшылан п?леклыше-влак кокла гыч Маргарита Егоровна – ик эн устан пашам ыштыше актриса. Тудын чон к?ргыштыж? А. Пушкинын, С. Есенинын, М. Цветаеван, А. Ахматован почеламут аршашыт илат. Марий писатель-влакын возымышт дене тудо поснак кугу пашам ышта. В. Абукаевын, Ю. Артамоновын, З. Каткован, Г. Алексеевын, В. Бердинскийын, М. Илибаеван прозыштым Марий радион эфирже гоч йо?галтара. В. Бояринован, З. Ермакован, А. Иванован, С. Эсаулован почеламутлаштым ынде коло ий наре телеэкраныште да театрысе концертлаште лудеш. «Марий Эл» ГТРК-н сылнымут редакторжо Любовь Борисова дене кылым кучымыжо т?вырг? саскам шочыктен: коло наре видеоклип войзалтын.
Ты гана Маргарита Медикова актёр йолташыже, палымыже-влакым ?жын. Тудо Зоя Дудинан, Валентина Изилянован 32 почеламутышт негызеш композицийым ямдылен. Шонымашым вия?ден толшо сылнымут радам, ик аршашыш чумырген, моноспектакль семын йо?галте. Шочмо калыкын п?рымашыже, ончыкылыкшо нерген тургыжланыме, икшыве, еш, пелаш нерген азапланыме кумыл, юмый?ла, ото, марий т?няумылымаш нерген шонкалымаш актрисын чонжо гыч кышкалалт лекме семынак йо?галте. Зоя Дудинан «Тумо», «Аралтыш», «Нылле ик порылык», «Арам те вурсышда те?гече», В. Изилянован «Мый тылат нимомат ом каласе…», «Уке улам…», «Т?ня мучашдыме гынат…», «Пеледышын колымыжо» да моло почеламут колыштшылан у шонымашым, шижмашым п?леклышт. Сценым сылнештараш йошкар, шем, ош т?сым кучылтмо. Кугезына-влакын, тачысе марий-влакын Сандалык, Юмо, ар нерген умылымашыштым шы?дарыше тистын т?сшым устан кучылтмо дене актриса курымла дене вия? да аралалт толшо чон поянлыкнам ончыктыш. Семым, тул волгыдым устан кучылтмымат палемдыман. Ты пашам С. Таныгин, Н. Копцева, И. Савельев, А. Семёнова шуктеныт.
— Кунам почеламутым книгаште лудат – тиде ик умылымаш, кунам авторым колыштат – вес ончалтыш, а кунам драма актриса, чонжо вошт колтен, сылнымут корно дене й?лен ила – тиде й?ршеш у шижмаш, умылымаш,- каласыш премьера деч вара М. Шкетан л?меш театрыште сылнымут ужашым вуйлатыше В. Семёнов.
— Тачысе вашлиймаште мый ятыр ий почеламут дене ыштыме пашамым ончыктенам. Театрлан, театрыш коштшо калыклан тиде к?леш манын ?шаныме шуэш. Эре мурен-куштен гына илышын шындыме йодышыжлан вашмутым муаш й?с?. Ты шотышто сылнымут – сай полыш,- каласыш премьера деч вара Маргарита Медикова.
Ушештарена: М. Шкетан л?меш Марий национальный драма театрын изи залыштыже 70 вер уло. Тышке мер калык, йолташда, пашаче еш але тунемше-влак, т?шка дене пырля погынен толын, жапым пайдалын эртарен кертыда. Тендан йы?гыртымыдам (+7-8362) 45-16-04 номеран телефон дене вучат.
З. ГЛУШКОВА.
«Марий Эл», 2012 ий 17 январь