Марий национальный ден Чуваш академический театр-влакын икте-весын сценыште спектакль-влакым ончыкташ кутырен келшымышт нерген возенна ыле. Тыге, 7 апрельыште Шупашкарыш марий актер-влак «Вучо,- мане, — пӧртылам» паша дене мийышт. А эрла М.Шкетан л?меш драма театрыште пошкудо республикысе артист-шамыч А.Волковын пьесыж почеш шындыме «Оръе? мелна» спектакльым модыт.
Кодшо шочмын Чуваш театрын директоржо В.П.Ефимов, тӱҥ художникше Ю.П.Матросов, Чуваш Республикын сулло артистше Г.П.Медведев да актриса Марина Яковлева тидын шотышто марий журналист-влаклан пресс-конференцийым эртарышт.
«Оръе? мелнам» чуваш коллегыже-влаклан марий режиссер В.А.Пектеев 2004 ийыште шындаш темлен да шкеак сценыш луктын.
— Тудо пеш к?чык жапыште, тылзат пеле наре пагытыште, шындалтын,- палемдышт уна-влак. – Вет Василий Александрович тудым уже сем дене келыштарыме, куштымаш шотышто шинчаончылныжо ужын. Сандене актер-влаклан режиссерын шонымашыжым илышыш пурташ веле кодын.
Спектакльым калык моткоч шокшын вашлийын, да ынде 7-ше тургым тудо аншлаг дене эрта, манаш лиеш. «Оръе? мелнам» чуваш артист-влак эреак вес кундемлашке гастроль дене лекме годым ончыктеныт.
— Чылаже ты спектакльым 33 187 зритель ончен,- цифр йылме дене палемдыш Г.Медведев.
А марий сценышке лекшыже 110-шо спектакль лиеш. Икманаш, шке шотан юбилей.
Кузе ила да пашам ышта Чуваш театр? Журналист-влакын чыла йодышыштлан уна-влак тичмаш вашмутым пуышт. Театр ий еда 6 премьерым сценыш луктеш. Режиссер да актер-влак тӱрлӧ материал дене пашам ыштат. Но кызытсе драматургий утыжым огеш куандаре. Возышо-влакым кумыла?дышашлан драматург-влак коклаште конкурсым увертареныт. Тиде традиций, коеш, чыла гаяк республикыште вийым налеш. Тылзе еда кокла шот дене ончымаште 24, идалыкыште 280 спектакльым модыт. Мемнан семынак т?рл? площадкым кучылтыт. Март тылзыште, мутлан, 46 спектакльым модыныт, кечыште кумыт-нылыт денат логалын.
Кугыжаныш у пашам шындаш идалыкыште 500 т?жем те?гем ойыра. Мутат уке, тиде пеш шагал. Но национальный театр-влак изи окса дене кугу пашам ышташ тунем шуыныт.
С.БЕЛКОВА.
Снимкыште: Чуваш уна-влак Марий коллегышт дене пырля Йошкар-Олаште пресс-конференций годым.
«Марий Эл». 2011 ий 20 апрель