Марий АССР культурын сулло пашаеҥже Зоя Павловна Акпулатовалан таче – 100 ий.
М.Шкетан театрын 105 ияш эртыме корныштыжо тыгай вес еҥ укеат, векат. А теве шке жапыштыже артистлан тунем лекше, вара театрыште тӱрлӧ моло сомылымат шуктышо Зоя Павловна Акпулатова таче 100 ийым темен. Театр дене иктаҥашрак манашат лиеш.
Зоя Акпулатова 1925 ий 25 августышто Куженер районысо Михайленки ялыште кресаньык ешыште шочын. 1939 ийыште Коҥганур шымияш школым тунем пытарен да колхозышто пашам ышташ тӱҥалын. 1943 ийыште Йошкар-Олашке толын, Маргостеатрыш секретарьлан пурен. 1945 ий 1 октябрь гыч Маргостеатр пеленсе театральный студийыш тунемаш пура да 1947 ийыште, «драматический театрын актержо» специальностьым налын, Марий колхоз театрыште ышташ тӱҥалеш.
Зоя Акпулатова тӱҥ шотышто характерный рольым да шоҥго еҥым модын. Тыгай коклаште «Кеҥеж йӱдыштӧ» Ведасим, «Мотор Пампалчыште Изи иям палемдыман. Тыгак руш труппын шындыме спектакльлаште пашаже уло.
Козьмодемьянскысе колхоз театрым петырымылан кӧра 1956 ийыште вес пашаш кусна. Уэш Марий театрыште 1961 ийыште ышташ тӱҥалеш. 1982 ийыште пенсийыш лекмыжлан кӧра паша гыч кая.
Зоя Павловна таче Йошкар-Олаште ӱдыржӧ пелен ила.