«Гамлетым» марла лудаш лиеш

книга-гамлет-марла

М.Шкетан лӱмеш Марий  драме театр 6 октябрьыште У.Шекспирын «Гамлет» трагедийже негызеш ямдылыме спектакльым сценыш луктеш.  Тиде амал дене пьесым марий йылмыш кусарыме.  Ты суапле сомылым сайын палыме режиссер, икмыняр сылнымут книган авторжо Василий Пектеев ден уста марий поэт Анатолий Мокеев шуктеныт.

Кусарымым посна книга дене савыктен лукмо. Эн ончыч тиде изданий дене Марий кугыжаныш университетын студентше да преподавательже-влак палыме лийыныт.

Василий Александрович кусарыме пашаже нерген радамлын каласкален,  книга гыч икмыняр ужашым марла да рушла таҥастарен лудын. Гамлет ден тудын ачажын Ӧртшым модшо актер-влак Алексей Тетерин ден Олег Кузьминых  спектакльыште йоҥгышаш монолог-влакым лудыныт.

Каласыман, кусарыше-влакын поян мутвундышт тӱнямбал классикым  марий йылмыш пеш сайын пышташ йӧным пуэн.

Поделиться ссылкой:

© Шкетан театр - 2022

Top