Марий Эл Республикысе тӱвыра, печать да калык-влакын пашашт шотышто министерстве, М.Шкетан лӱмеш Марий национальный драме театр, Марий самырык театр да Курыкмарий драме театр марий йылме дене возымо эн сай пьесылан конкурсым увертарат.
Конкурсын тӱҥ шонымашыже: марий профессиональный театрлаште, любительский коллективлаште шындаш келшыше келге содержаниян сылнымутан произведенийым кычалаш.
Конкурсым эртарыме жап:
Конкурсыш пашам 2021 ий 1 ноябрь марте колтен шуктыман.
Иктешлымаш 2021 ий 1 декабрь марте ышталтеш.
Конкурсын условийже:
Конкурсыш темлыме пьесе оригинальный, тидын марте театрыште шындалтдыме лийшаш; тыгак марий автор-влакын произведенийышт, фольклор материал негызеш возымо сценарийым темлаш лиеш.
Пьесым алмашлӱм (псевдоним) дене колтыман.
Ик автор икмыняр произведенийым (кажныжым посна алмашлӱм дене) темлен кертеш.
Темлыме пашам MS Word (але вес текст-редактор) файл дене тыгай адрес дене колтыман: www.shketan.ru) почмо Интернет-библиотекыш кеч-кӧ лудын да шке шонымашыжым возен кертеш.
Сеҥышым палемдыме да кумылаҥдыме радам.
Конкурсыш пурышо пьесе-влакым экспертный жюри (тудын радамыште драматургийыште специалист да марий сылнымутышто кугу кӱкшытыш шушо еҥ-влак улыт) лудеш да акла. Темлыме паша-влак М.Шкетан лӱмеш Марий национальный драме театрын сайтыштыже (www.shketan.ru) почмо Интернет-библиотекыш вераҥдалтыт. Тушко пурен, пьесым кеч-кӧат лудын да шкенжын аклыме шомакшым возен кертеш.
Сеҥышыш могай произведений лекмым театр-влакын вуйлатышышт палемдат, тыгодым нуно пьесым лудшо-влакын шонымашыштым шотыш налыт.
Конкурсыш пурышо эн сай пьесе-влакым театр-влак сценыште шындаш налыт. Кажне театр мынярым шона, тунарым налын кертеш. Кажне пьесылан 50 тӱжем теҥге деч шагал огыл оксам тӱлаш палемдалтеш (кажне посна случайыште тудын кугытшо автор ден театрын дирекцийже коклаште ыштыме договорышто палемдалтеш).
Кодшо моло пьесе драматургий лабораторий ден семинарлаште лончылаш, «Ончыко», «У сем» сылнымутан журналлаште савыкташ темлалтыт. Автор дене кытарен келшымеке, тыгак М.Шкетан лӱмеш Марий национальный драме театрын сайтыштыже (www.shketan.ru) Интернет-библиотекыште аралалт кодеш, тудын дене марий театр искусствым йӧратыше, марий любительский театр коллектив-влак палыме лийын кертыт.