И.Палантай лӱмеш тӱвыра да сымыктыш колледж М.Шкетан лӱмеш Марий кугыжаныш драме театр дене пырля шушаш тунемме ийлан «актер искусство» специальность дене лӱмын группым погат.
Тудын негызшt семын тений искусство гимназийын актер классшым тунемын пытарыше ӱдыр-рвезе-влак лийыт. Абитуриент радамыш драматический да кино артист лияш кумылан кеч-могай еҥ ушнен кертеш. Колледжым тунемын пытарыше-влак ончыкыжо М.Шкетан лӱмеш театрын труппыштыжо пашам ышташ тӱҥалыт. Паша деч кӱрылтде нунылан Моско вузышто тунемаш йӧным ыштат.
Тунемаш пурымо экзамен 2023 ий 12- 14 июльышто лиеш. Тудо тыгай радам дене эрташ тӱҥалеш:
12 июльышто — специальность дене экзамен-влан шотышто консультаций;
13 июльышто — актер мастарлык да сценыште кутырен моштымо шотышто экзамен;
14 июльышто — музыкально-пластический данныйым тергымаш.
Утларак тичмаш уверым колледжын сайтышкыже пурен рашемдаш лиеш. Адресше тыгай: https://faculties.mrkkii.ru/