Тиде пайрем дене М. Шкетан лӱмеш Марий национальный драме да Марий Самырык театр-влакын коллективыштым Марий Эл правительстве вуйлатышын алмаштышыже, Марий Элын тӱвыра, печать да калык-влакын пашашт шотышто министр Константин Иванов саламлен.
Константин Анатольевич усталык аланыште чолган пашам ыштымылан, оҥай спектакль-влакым сценыш лукмылан тауштен, кажныжлан пеҥгыде тазалыкым да пиалым тыланен.
Театр сымыктышым вияҥдымашке надырым пыштымылан да Тӱнямбал театр кече лӱмеш тудо икмыняр еҥлан наградым кучыктен. Сценын машинистше А. Александров Марий Эл Республикын тӱвыра, печать да калык-влакын пашашт шотышто министерствын Почетан грамотшо, ургымо цех начальник Е. Гусева, вургемым чиктыше С. Сандакова, артист И. Соловьев, театрын музыкальный ужашыжым вуйлатыше С. Яндукова Марий Эл Республикын тӱвыра, печать да калык-влакын пашашт шотышто министрын Таумутшо дене палемдалтыныт.
