Эше ик премьера. Эше ик комедий

М.Шкетан л?меш театр кодшо изарнян сценыш адак у пашам лукто. Тиде Мария Илибаеван «Ойырледа? Огына ойырло!» пьесыж почеш шындыме тыгаяк л?ман спектакль ыле.  Тудо драматург-влакын пытартыш конкурсыштышт кумшо верым налын. Теве пеш к?чык жапыште калык деке миенат шуо.
 Пьеса еш кокласе кылым «т?рла». Комедий манын палемдышна гын, раш: тиде мыскара й?нлан э?ертен ышталтеш.  Но, маныт вет, кеч-могай мыскараште чынын ужашыже уло. Уло дыр тыштат. 25 ий еш дене, тичмаш суртпечым кучен, т?шка пашам ыштен илымеке,  Ониса пелашыж деч ойырлен каяш тарвана. Амалже? Пелашыже пуйто ушкала.  Тиде тыгак мо але шылтыкым кычалеш? Такше туге чучеш, ?дырамаш нимо уке гычак тумам н?лталеш, кийыше тоям кынелтен шогалташ тырша. Улыт, конешне, тыгаят коклаште. Но, т?жвач ончен, Маргарита Медикован героинь- ыже марийын ушкалымыже, фермышке эр й?дымак лектын каен, м??гышт? сурт сомылкам ыштен ноен манме шонымаш ок лек. Вийвал пагытыште улшо чапле вате. Кап-кылат уло, чиенат сайын. Ешыште тудо оза манме шижалтеш. Марийже, Омылька (Иван Смирнов),  ласка п?ръе? гай коеш. Ватыжын вурседылмыжым чытенак, утыжым пелештыдеак (коеш, кеч к?ргыштыж? чылажат шолеш),  вапшым пидын шинча. Тыгай годым калыкыште маныт: ?дырамашын кояже чыгылта да толаша.
 Мария Илибаева — айдеме психологийым келгын палыше, шижше автор.  Тидым «Марий Элыште» савыкталтше мыскараже, тыгак моло жанр дене возымо произведенийлаж гочат палена. Сандене сценыште мо ышталтмыланат ?шанет. Но мыскараште гиперболизаций уло, конешне. Тыге шкем темлен толшо геройышт дене Елена Мочаловат (Рита), Антонина Антоноват (Зоя), Андрей Бусыгинат (Сопром) воштылтышыш лектыт. Куштыжо т?ргочат колтымо манме шижалтеш. Олег Кузьминыхын Арсийжын мутланыме годым руш шомакым шындылмыже гын искусственно шокта.  Такше Илибаева тидым пеш моштен ышта ыле.  Ончышо семын мый Омылькан костюмым чиен шогалмыжым вучышым. Кокымшо акт мучко ватыже, ялысе ?дырамаш, сценысе артистын тувыржо, к?кш? таганан чапле туфльо дене ковыралана, а марий спортивный йолаш,  к?чык портышкем денак кодеш. Шовышыж ден комдышыжым ик к?кшытыш шындыман ыле дыр…
 Калык спектакльым   куанен ончыш. Артист-влакым, авторым саламлыш. Комедий, мутат уке,  залым эре тич пога. Но… Р?д? марий театрын репертуаржым тичмаш налмаште ончалаш гын, тений кумшо  премьера комедий ыле.  Кумынекат еш илыш коклам т?рлыш?. Конешне, кажне спектакль шке шотшо дене о?ай. Но ик тургым жапыште  утыжымат лийме гай чучо. Палена: театр илынеже,  театрлан оксам ышташ к?леш. Но садак баланс манме лийшаш.
 Весе. Мария Илибаева тений комедий жанрыште ыштыше автор семын лекте. Татар драматург И.Зайниевын «Люстра» пьесыжым марлаш тудо кусарен ыле (марий сценыште тудо «Поро пошкудо – пел кудо» л?м дене ончыкталтеш). Жалке, Мария Каликаевнан социальный темым тарватыше утларак келге пашажым театр-влак «огыт уж». Мутлан,  «Олигарх-влак» пьесыже ятырлан «неле» ыле. Тудым автор «Марий Эл» газетеш прозыш савырен печатлыш. Да туштыжат лач йоча-влакын илышышт дене кылдалтше ужашым веле ойырен налме. Но тиде автор дене эше сценыште вашлийына манын ?шаныме шуэш.
 «Ойырледа? Огына ойырло!» спектакльым режиссер Василий Домрачев шынден. Декорацийым Сергей Таныгин с?ретлен. Мурылан мутым Юрий Русанов, семым Сергей Пчелкин возеныт.
 
Светлана БЕЛКОВА.
 
М.Скобелевын
фотожо.


«Марий Эл» 2012 ий 20 март

 

Поделиться ссылкой:

Top