М.Шкетан л?меш Марий кугыжаныш драме театр 18 октябрьыште у тургымым почеш
Ондак эн сай пьесылан ?маште декабрьыште увертарыме конкурсым иктешлат. Чылаже 26 паша пурен. Жюрин акше чын лийже манын, шоял?м дене возеныт. Чын л?мыштым ме лач иктешлымаште пален налына. Икымше верлан – 15 т?жем те?ге, кокымшылан – лу, кумшылан – шымыт. Тыгак поощрительный п?лек семын вич т?жем те?гем кучыктат.
Репертуарыште улшо спектакль-шамыч деч посна кок премьерым ужына. 18-ше числан И.Зайниевын «Поро пошкудо – пел кудо» комедийже дене тургымым почыт. 17 ноябрьыште вес премьер – А.Вампиловын «Кугэрге» комедийже – лиеш.
Тылеч посна коми драматург А.Поповын «?дырым налат, маныт» комедийжым театрын т?? режиссёржо Роман Алексеев шында.
Октябрьыште театр Мордовийын р?долашкыже, Саранскыш, кая. Тушто, «Мордва калыкын Россий кугыжанышын моло калыкше дене ушнымылан 1000 ий» пайрем дене келшышын, Национальный театр-влакын «Штатол» («Тукым сорта») всероссийский фестивальышт лиеш. Фестиваль 29 октябрь гыч 2 ноябрь марте шуйна. Тушко театр Зинаида Долгован произведенийже почеш «?дыр сий» музыкальный спектакль дене кая.
Ноябрьыште Марий Эл Республикын сулло артисткыже Алина Егошинан бенефисше лиеш. «Алиса, Анфиса, Аниса» спектакльыште артисткым Алисан рольыштыжо ужына.
92-шо тургымышто тыгак Марий Эл Республикын калык артисткыже Антонина Антоновалан 50 ий (январьыште), Марий Эл Республикын калык артисткыже Ольга Харитоновалан 65 ий (февральыште) темме л?меш пайрем касым эртараш палемдыме. Вес ий апрельыште режиссёр С.Кириллован шочмыжлан 80 ий темеш. Тиде кугу датым шарнымаш кас дене палемдаш шонат.
Тиде тургымышто театрын коллективше ончышо-шамычым икмыняр премьер дене куандараш шона. Апрельыште калык ончыко М.Шкетанын произведенийже почеш «Пычал л?ен» спектакль лекшаш. А июньышто К. Гольдонин «Кок озан тарзыже» комедийжым ужаш лиеш.
У тургымым т??алыт гынат, гастрольым ?рдыжыш огыт ш?кал. Ноябрь т??алтыште Пошкырт кундемысе икмыняр олаш да райр?дыш каят. Вес кундемлаш лектын кошташ Финляндийысе М.Кастрен ушем кажне ийын оксам ойыра.
У тургым почылтеш, ончышо-влакым шуко мероприятий да чапле репертуар вучат.
Вера Михайлова.
«Кугарня», 2011 ий 14 октябрь