Сай пашалан – келшыше ак

М.Шкетан л?меш Марий национальный драма театр 29 апрельыште А.Вампиловын «Старший сын» пьесыж почеш шындыме «Кугерге» спектакль дене шкенжын черетан тургымжым петырыш.
Тудо тений поян ыле. Ноябрь тылзыште кок ийлан ик гана эртаралтше Финн-угор театр-влак фестиваль г?жлен эртыш. Тудын репертуарыштыже т?рл? сынан спектакль лийын. Нунын коклаште мемнан театрна эше ик гана ик эн виян улмыжым пе?гыдемдыш.  Каласыман,  черетан тыгай театр пайрем Мордовийыште  лиеш. Тыгак «Йошкар-Ола театральный» фестиваль ты гана марий драма театрын коллектившылан шуко призерым ешарыш.
А театрын у пашаже-влак коклаште тений «Юзо гармонь» (В.Григорьев),  «Вождь краснокожих» (О.Генри), «Кугезе муро» (В.Регеж-Горохов), «Кугерге» (А.Вампилов) лийыныт. Майыште эше ик премьера сценыш лектеш. Тиде – татар драматург И.Зайниевын «Люстра» пьесыж почеш шындыме «Поро пошкудо – пел кудо» спектакль. Тургымым иктешлышыла, Чуваш театр дене кылым ыштымым палемден кодыман. Тыге, Марий театр пошкудо-влак дене «Вучо,- мане,- п?ртылам» спектакльым модо. А нуно А.Волковын «Оръе? мелнажым» мыланна тамлен ончаш темлышт. Кок вашлиймашыжат пеш шокшын эртыш. Т??ж? – ончышо-влаклан пошкудо-влак дене кыл к?лешан улмо шижалте.
Марий драма театр ынде икмыняр ий почела тургымым мучашлыме годым шке пашае?же-влакым шергакан п?лек дене палемда. Тений сценыш т?рл? кугытан призлан к?зыш?-влак поснак шукын улыт ыле. Водитель, т?рл? цехласе пашае?-влак гыч т??алын эн чаплын модшо актер–шамыч марте. Мо сайже, тиде суапле пашашке  администраций спонсор-влакым кумдан уша. Нуным театрын директоржо Ю.Русанов ?шанле йолташна-влак манеш. Нуным чынжымак тыге манаш лиеш.  Профессиональный искусствым вия?дымашке шке надырыштым пыштен, тиде е?-влак моткоч суапле пашам ыштат.
Лудшо, чытен-чытыде, усталык аланыште тыршыше кокла гыч к?м палемденыт манын вуча, очыни. А теве нунын л?мышт:
Эн сай режиссер – Алексей Ямаев;
Ончышылан эн чот келшыше актер – Иван Смирнов;
3-шо степенян диплом да п?лек – Сергей Данилов;
2-шо степенян диплом да п?лек – Алина Егошина, Алексей Тетерин;
1-ше степенян диплом да п?лек – Павел Ефимов;
Т?? приз (турпутевка)– Маргарита Медикова.
Каласыман, театрын поро йолташыже-влак коклаште  печать, радио да телевидений пашае?-влакат улыт. Администраций л?м дене тауштен, нунылан «Сандал» марий кочкыш кафе шке сертификатшым кучыктен.
С.БЕЛКОВА.
Снимкыште: А.Герасимов “Нью-Трейд” компаний л?м дене А.Егошина ден А.Тетеринлан  2-шо степенян дипломым да кажныжлан  10  т?жем те?гелан картым кучыкта.
Д.Речкинын фотожо. 

«Марий Эл» газет. 2011 ий 5 май  

«Марий Эл» газет 2011 5 май

Поделиться ссылкой:

Top