Кажне роль чонжылан лишыл

25 ноябрьыште М. Шкетан л?меш драме театрыште Марий Элын сулло артисткыже Алина Егошинан бенефисше лиеш.
Нимом шылташ: таче ты театрыште Алина – ик эн в?дыш? актриса. Кажне гаяк спектакльыште тудо т?? рольым модеш. Палемдаш лиеш «Саликаште» (С.Николаев) Саликам, «М?кш отарыште» (С.Чавайн) Клавийым, «Ачийжат-авийжат» драмыште (М. Шкетан) Маюкым, «Шешке-шемгишкыште» (П. Захаров) Анюкым да молымат.
Мотор канде шинчан, кужу ош ?пан самырык ?дырамаш Шернур районысо Ш?дымарий ялыште 1977 ий июль т??алтыште шочын. Марийсола школ деч вара Светлана Строганова, Артем Асмаев, Роман Алексеев да моло дене пырля Москошто М.С.Щепкин л?меш к?шыл театр училищым тунем пытарен да 1998 ийыште М. Шкетан л?меш театрын ешышкыже ушнен.
Актер сомыл деч посна Алина ч?чкыдын радио, телевидений дене выступатла, концерт-влакым в?да, мура. Пелашыже, Александр Бирюков, ты училищымак тунем лектын да театрыштак пырля рольым модеш. Самырык еш кок эргым: Данила ден Мишам — ончен-кушта. Яра жапыште нуно шочмо ача-ава деке кудалыт але вес кундемлаш канаш коштыт. Алина ден Александрын кок п?леман пачерыштым моторын с?растарыме, чыла вере ару, ?стембалне тамле кочкыш пушлана, эре ласкалык озалана. Тыште озаватын надырже кугу.
«Театрыште ыштыме жапыштем бенефисым кокымшо гана эртарем. Тидлан кызыт шкеак кумылем ончыктышым. Театрын дирекцийже мый денем келшыш. Комедийым але драмым модаш к?лмым шуко жап шонышым. Содыки ончышем-влаклан весела кумылым п?леклымем шуо, садлан Вячеслав Абукаев-Эмгакын «Алиса, Анфиса, Аниса» комедийжым ойырен нальым. Чыладамат 25 ноябрьыште бенефисышкем ?жам. Кас 18 шагатлан т??алеш»,- ойла артистка Алина Егошина.
А ме тудлан у деч у роль-влакым тыланена.

Ирина Степанова.

«Кугарня» газет 2011 ий 18 ноябрь

Поделиться ссылкой:

Top