Сценыште образ олмаш актёр коеш гын, зал гыч лектын кайыман…

Тыге манеш элыштына палыме историк В.О.Ключевский. Чынак, тиде тыгак. Актёр образыш пурен огеш се?е гын, спектакльым ончымо огеш шу. Но теве ик самырык актёрын сценышке лекмыж годым зал гыч лекын каяш иктат огеш шоно. Тиде – Павел Ефимов.
Марий Эл Республикысе Кугыжаныш премийжын да Й.Кырла л?меш премийын лауреатше Павел Николаевич Ефимов 1983 ий 1 декабрьыште Волжсий районысо П?ртанур ялыште шочын. 2001 ийыште Памар кыдалаш школым тунем пытарымеке, Санкт-Петербургысо кугыжаныш театр искусство академийыш заочно тунемаш пурен. Таче Павел М.Шкетан л?меш Национальный драме театрыште да «Марий Эл ТВ-ште» дикторлан пашам ышта.
Актёр-влак, шукыж годым, йоча жап гычак сцене дене илышыштым кылдаш шонен пыштат. Мемнан геройна тыгай лийын огыл.
— Чыланат йоча жапыште космонавт, милиционер лийнешт. А мый, эре хирург профессий дене илышем кылдаш шоненам.
Павел медик лийнеже ыле гынат, эше школышто тунеммыж годымак сценыште шкежым кучен моштымыжо койын.  
— Ты жапым порын веле шарналтем. Мемнан классна моткоч весела ыле. Тунам «Самырык тукым», «Рвезылык тукым» конкурслаште участвоватленам. А 1998 ийыште конкурсышто се?ышыш лекмылан «Орлёнок» лагерьыш канаш колтеныт. Сменын темыжат моткоч о?ай ыле: «Лидер лияш». Тылеч посна, школышто кажне концертым мыланем в?даш пуат ыле.
Павел театр сымыктыш академийыште заочно тунемын. Сессий жаплан Питерыш миен толын, а паша верже М.Шкетан л?меш национальный театр лийын.    
— Ныл ий жапыште чылажымат эрташ логалын. Нимогай профессийым вигак налаш огеш лий: кеч врачлан, кеч инженерлан тунемман. Тыгак актёр профессийланат. Ныл ий жапыште профессийын негызшым налат. А кызыт ме тудым шуарена. Икымше рольым нигунам ом мондо. Зинаида Долгован «Пысман корем» пьесыжым Василий Домрачев шынден. Тушто рвезым модынам. Тиде роль эпизод веле лийын гынат, тургыжланымем эшеат шарнем.    
Тиддеч Павел шуко рольым модын. Тудлан классикат, тачысе репертурат куштылгын пуалтыт. Актёрын мастарлыкшым Михаил Заречныйын (В.Розов «С?ан кече»), Мичин (С.Чавайн «М?кш отар»), Лузганын (В.Шекспир «Кожла кокласе омо»), Хесачын (А.Слаповский «Блин-2»), Шутын (А.Петров «Кронуш») да тулеч моло рольыште ужаш лиеш. Эн й?ратыме рольжо актёр нерген тыге каласыш:
— Нимат куштылгын огеш пуалт. Тудым чо?аш, й?раташ к?леш. Модмо рольлан ондак шке ?шаныман. Вет пьесын кажне образше ончышым шонаш таратышаш. А ик эн й?ратыме рольем – Олег Иркабаевын шындымыж почеш «Ачийжат-авийжат» пьесыште Мачук.   
Павел шым ий наре театрыште тырша гынат, кажне гана сценыш лекме деч ончыч тургыжлана. Тидым се?ашлан: репитицийыште мом ыштымым, режиссёрын мутшым шарналта. Нимом уым шке рольышкыжо пурташ огеш тырше.
Павел тыгак телевиденийыште дикторлан пашам ышта. Икымше гана эфирыш 2008 ийыште лектын. Тунам тушто Рауль Гарифуллин в?дышылан тыршен. Рауль отпускыш каен, Павелым ?жыныт. Отпуск деч вара Рауль телевидений гыч й?ршеш каен, олмешыже Павел кодын.  
Актёр кок верыште пашам ышта гынат, канашат жапым эре муэш.
— Мый телевиденийыште вияш эфирым ом в?д?. Театрыште репетиций деч вара записьым ышташ куржам. Шуко жапым огеш нал, садлан й?ратыме йолташем воктене лияш жапем эре уло.
Актёрлан сценыште шуко мурым мураш логалеш, тидын нерген Павел мыскарам ыштен ойла:
— Эше академийыште тунемме годымак й?кым чын шындаш туныктеныт. Й?кем ондакат лийын, тудын дене пашам ышташ к?лын. Тидын шотышто Евгений Леоновын мутшо ушыш толын пура: «Мыйын пылышем тошкалше маскам пуштен кертше пычалым муаш ыле». Вет Юмын пуымо й?к дене гына мураш шагал.
А шкеже руш рокым колыштам: «Сплин», «Би-2», «Океан Эльзы» группо-шамычым, Вячеслав Бутусовым да тулеч молымат.
Йоча жап гычак тудо спорт дене кылым пе?гыдын куча. Школышто тунеммыж годым футбол дене модаш й?ратен, дзюдошто шкенжым терген. Икымшыштыже кугу к?кшытыш шуын огыл, но кокымшышто республикысе соревнованийлаште та?асен. Шуко гана тушто призёр лийын, ик гана Юл кундемын первенствыштыж гыч ший медаль дене п?ртылын.
— Кызыт дзюдо дене кылым ом кучо. Туге гынат актёрын кап-кылже пуше?ге гай лийшаш огыл. Театрыште тудым шуараш т?рл? пластике упражненийым ыштылына. Тыгак шкенан коллектив дене футбол, волейбол ден модаш тыршена.
Павел йоча годсек Колым кучаш й?ратен. Тунам тидлан жап шуко лийын, кызыт шагал, садлан пытартыш гана кунам колым кучаш мийымыжым огеш шарне.      
— Чылажат жап йодышыш т?кна. М??гат тидлан верч ч?чкыдын кудалышташ огеш логал. Южгунам кок тылзылан ик гана веле миен толам.
— Актёр-влакын илышыштышт эреак мыскара вашлиялтеш. Тыйынат икмыняр лийын докан?
— Лиеда. Сценыште чыла текст почеш шуко мыскара лиеш гынат, импровизироватлаш логалеш. Мутлан, ик пьесыште ?дыр дене ?чашыме годым ваш йылмым ончыктенна. Шукерте огыл политехын л?мгечыжлан п?леклалтше концертым в?денам. Официальный ужашыште чыла кутырен пытарышым да каяш тарванышым. Ошкылмем годым пинчакем гыч полдыш, к?рылт, сценыш пурен кайыш. Мый эркын сцене ше?гек ошкыльым. Вара концертым в?дым? годым, ынышт тошкал манын, эре эскерен шогенам.

Денис Очиев.

«Кугарня» газет.
9 ноябрь 2012 ий.