Сцена илыш: Шинчаже тачат й?ла

 

Актёрын могай улмыжым аклыме ик пале – шинча. Сценыште тудо й?ла гын, тугеже тиде чынжымак артист, маныт. Марий Элын калык артисткыже Ольга Харитонован шинчаже тачат торашкак волгалтеш.  Тугеже тудо, чынжымак, геройжын илышыж дене ила, тудын чонышкыжо пурен,  рольым чо?а. Чын, кодшо изарнян «Й?ратымаш? Й?ратымаш! Й?ратымаш…» (Л.Яндаков) спектакльыште молгунамсе деч ойыртемалте, шижмашым шылтенрак модо. Амалжым  варарак шкежат умылтарыш: ты кечын  Куженер кундемын шочшыжо, тале кучем да мер пашае? Е.А.Хлебниковым пытартыш корныш ужатыме. «А тудо мылам эре э?ертыш лийын, сандене таче кече неле ыле»,- палемдыш Ольга Федотовна.
А тиде спектакль дене О.Харитонова сценыште шкенжын 65 ияш л?мгечыжым палемдыш. Марий ?дырамашын, Наставийын, рольжым тудо моткоч устан чо?а. Чылт марий вате. Тыгаяк улыт тудын Эчан ватыже (С.Николаев, «Салика»), Нени куваже (М.Шкетан, «Ачийжат-авийжат»), Найошыжо (М.Рыбаков, «Т?рлем?дыр») да шуко-шуко моло рольжат.
Марий,  руш, йот элысе драматургий… 1969 ий гыч т??алын,  театрын илышыж дене илыме жапыште могай гына образыш пураш логалын огыл. Моло актер семынак кажныжым тудо чонжо гоч савыралын луктын. Калык артист л?мжым чынжымак пашаж дене сулен налын.
Тиде актрисын вес ойыртемалтше палыже – яндар й?кш?. Тудлан нимогай микрофон огеш к?л. Муралтен колта – эре колыштмет шуэш.
Л?мгече кастене тудым Марий Элын культура, печать да национальность паша шотышто министрын алмаштышыже Г.Ширяева, Россий театр пашае?-влак ушемын Марий п?лкажым вуйлатышын алмаштышыже А.Александрова, Марий Эл Кугыжаныш Погын аппаратын пашае?же А.Петров,  М.Шкетан л?меш драма театрын директоржо Ю.Русанов, шокшын саламлен, шуко поро мутым каласышт. Тыгак Куженер кундем гыч шукын сценыш к?зышт. Оласе предприниматель, районысо администраций, Йывансола да Шорсола калык, пошкудо, родо-тукым л?м дене саламлышт. Чылаштынат тыланымаштышт ик шонымаш йо?гыш: тек эше шуко ролет лиеш.  Тиде шомакыш театрым й?ратыше чыла е? ушна. О.Харитонован модмо спектакльыш калык тыге р?жге погына гын, тугеже тудо сценылан к?леш.  Шинчаже й?ла гын, тугеже шкежат эше модын кертеш.
С.БЕЛКОВА
Снимкылаште: «Й?ратымаш? Й?ратымаш! Й?ратымаш…» спекталь гыч ужаш.
М.Скобелевын фотожо.

«Марий Эл», 2012 ий 18 февраль