Кужу ?мыран лийза, марий ш?шпыкна

Российын сулло артистше Майя Романован те?гече л?мгече шочмо кечыже лийын
Ош шовычым вачыш пышталын,
Экраныш волгалтын пура.
Сар ш?шпыкла й?кш? йо?галтын –
Романова Майя мура.
Ош лумла олма сад пеледын,
Лай мамык н?лтеш – т?тыра.
Вер-ш?рым куан йыр леведын –
Романова Майя мура.
Ер в?д ?мбак шыргыж ончалын,
У кече йолважым шара.
М?р ате гыч семым кошталын –
Романова Майя мура.
Шарналтыш Немдажым да ялжым.
К?сле кылла ш?м чытыра.
Мокталын айдемын пиалжым –
Романова Майя мура.
Айдемын ш?м-чонжым в?чкалын,
Вер-ш?рыш да чоныш пура.
Марий калыкнажым мокталын –
Романова Майя мура.
Теве тыгай почеламут корнылам п?леклен шке жапыштыже Алексей Январев марий калыкын ш?шпыкш? Майя Романовалан. Тыгак, вачыш ош шовычым пышталын, калык ончыко лекте Майя Тимофеевна «Марий Эл» газетын пайремжылан п?леклалтше касыш 2009 ий ноябрьыште. Се?ымашын ХХХ идалыкше л?меш культура полатыш тунам шуко е?же лач тудым ончаш да колаш манынак толын. Мурен пытарымекше, зал, кынелын, кужун-кужун совым кырен. Шуко е?жын чурий мучко шинчав?д йоген волен гынат, ?штылаш вашкен огыл. 82 ияш мурызо тунам шкежат шулдыра?мыла лийын, вет тудо лу ий утла сценыш лектын огыл ыле. А ?мырым тушто эртарыше е?лан уэш калык дене вашлияш – кугу пиал.
— Мый илышыште пиалан улам. Моткочак уста, ушан е? дене иленам, Степан Иванович Кузьминыхын пелашыже лийынам, — кодшо шочмын м??гыж? пурымекем, шомакшым лач тыге т??але Майя Тимофеевна. Да молгунамсе семынак артист коллегыже-влакым радамлен лекте. Мария Сапожникова, Анастасия Страусова, Илья Россыгин, Георгий Пушкин, Тимофей Григорьев, Владимир Зернов, Мария Михайлова… Да чылаштым каласен пытарет мо.
— Иктыже весыж деч мастар улыт ыле,- тыге аклен ойлымым мый тудын деч ик гана веле огыл колынам. Такше шке коллега нерген куанен да кугешнен ойлышо е? шукак огыл.
Шижам, Майя Тимофеевна таче лачак ондаксе илышым шарнен, чонжым ырыктен ила. Драматический актриса 100 утла рольым ыштен. Сценыште илен Салика ден Маринан («Салика»), Кансылын («Асан ден Кансыл»), Айвикан («Айвика») ?дыр илышышт дене, тудын Ольгаже (Н.Арбан, «Ке?еж й?д») сар корным эртен, тыныс жапыште й?ратымаш тулеш когарген. Марий произведений негызеш шындыме спектакльлам тудо сылнын мурымыж дене с?растарен гын, руш да вес элласе классикыште героиня-влакын к?рг? чоныштым почын. Тыгайже коклаште палемдыман Джульеттам (В.Шекспир, «Ромео и Джульетта»), Луизам (Ф.Шиллер, «Й?ратымаш да осал чоялык»), Аннам (М.Горький, «Васса Железнова»), Евгениям (А.Островский, «Кугорно ?мбалне»). Шуко спектакльыште нуно Степан Кузьминых дене коктын герой ден героиням модыныт. Мутат уке, пырля илаш да пашам ышташ – тиде кугу пиал. Нуно тыгаяк эргым ончен куштеныт. Владимир Кузьминых чапле балет артист лийын, ача-аваже семынак  шуко чап л?мым сулен налын.
Мутланен-мутланен,  Майя Тимофеевна фотографий-влакым ончыктылеш. Коклаште кид дене возымо тетрадь лаштык-влак лектыт.
— Ой, а теве муро. Могай, луд-ян,- мылам кагазым шуялта.
— Й?д ден кече варнышт,- лудам мый й?кын.
—  Й?д ден кече варнышт –
Кайышна кок велыш.
Ш?шпык мурым чарыш –
Кайышна кок велыш.
К? осалым шарныш –
Кайышна кок велыш.
Ойго ден ш?м ярныш –
Кайышна кок велыш,
– Майя Тимофеевна ынде муралтенак колтыш.
— Могай чапле шомак-влак,- мане вара.
Тиде мурым, шарнем, тудо Степан Ивановичын колымекыже мураш т??але. Туге мурен, колыштын, ш?м к?рышталтын. Тидын нерген газетыште тунам посна статьям возенам ыле.
23 мартыште Майя Тимофеевна 85 ийым темыш. Чаманен каласаш логалеш, ийгот погынымо дене чержат пеленак коштеш. Илыме условийжат сайжак манаш огеш лий. Тудын шо?гылыкшо шуко шотышто чапланыше моло артистын гаяк. Шкет кодмо годым ниг?лан от к?л манмым шижмаш чоным нулта. Такше нунылан, искусствын ш?ртнь? поянлыкше семын, т?ткыш утларак лийшаш ыле.
А таче газет гоч  уло марий калык л?м дене Майя Тимофеевнам шочмо кечыж дене саламлена. Кужу ?мыран лийза, марий ш?шпыкна.

С.БЕЛКОВА.

«Марий Эл» 2012 ий 24 март