Пьесын авторжо – Алексей Попов – Коми Республикын сулло пашаеҥже, драматургий да театр искусство аланыште В.Савин лӱмеш Кугыжаныш премийын, Виктор Розовын «Хрустальная Роза» всероссийский конкурсын лауреатше. Коми Республикыште тачысе кечылан тудо ик эн пагалыме автор, драматургым шочмо республикыштыже веле огыл, тыгак моло кундемыштат сайын палат.
Алексей Поповын произведенийже-влакым марий, удмурт, мордва, финн, хакас да Российысе моло калыкын йылмылашкышт кусарыме. Тудын пьесыже-влак почеш шындыме спектакль-шамыч тӱрлӧ сценыште ончыкталтыт. «Эх, кушто ӱдырым муаш?» («Женись, сынок, женись»- «Гöтрась, пиö, гöтрась») пьесыже музыкальный комедий жанр дене возалтын.
Тиде шкешотан да оҥай историй, ӱдырым налаш кумылаҥше, но шкаланже оръеҥым муын кертдыме самырык пӧръеҥ Николай нерген. Ты куштылго огыл сомылым шукташ тудлан эн сай йолташыже полша. Сылне ӱдырым вашлиймеке, Николай чынже денак тудым моткоч чот йӧратен шында.
Спектакльыште шуко мыскара уло. Тудыжо шинчавӱд лекмешкак воштылаш, герой дене пырля тургыжланаш, куанаш тарата.
Режиссёр-постановщик – Марий Элын сулло арт. Роман Алексеев
Художник-постановщик – Марий Эл кугыжаныш премийын лауреатше Сергей Таныгин
Композитор – Марий Эл искусствын сулло деятельже Сергей Маков
Музыкальный комедийыште модыт:
Токташев Николай — арт. Владислав Виногоров, арт. Павел Ефимов
Василий — арт. Алексей Тетерин, арт. Эдуард Яковлев
Тетя Маша — Марий Элын калык арт. Раисия Макарова, арт. Светлана Сандакова
Михаил Степанович — Российын сулло арт., Марий Элын калык арт. Олег Кузьминых, Российын сулло арт., Марий Элын калык арт. Иван Смирнов
Анфиса Васильевна — Марий Элын калык арт. Антонина Антонова, Российын сулло арт., Марий Элын калык арт. Маргарита Медикова
Тоня — арт. Галина Иванова, Марий Элын сулло арт. Светлана Строганова
Люда — Марий Элын сулло арт. Алина Егошина, арт. Людмила Казанцева
Дед Митяй — МАССР-ын калык арт. Юрий Алексеев, арт. Андрей Бусыгин.
{phocagallery view=category|categoryid=59|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}