{phocagallery view=category|categoryid=247|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}
Автор — А.Спиридонов, А.Мокеев кусарен
Сценарий – В.Пектеев
Режиссер-постановщик- В.Пектеев
Режиссер – Р.Алексеев
Художник-постановщик – В.Королев
Композитор – Сергей Макэмари
«Югорно» эпос — марий калыкын легендыже, йомакше, мурыжо… негызеш шочын. Тиде материал театрысе усталык коллективлан калыкнан эртен толмо корныж нерген кумда да келге шонымашым почын ончыктышо чапле спектакльым ямдылаш чапле негыз лийын. Сценыште марий калыкын ожнысо мурыжо, куштымашыже, семӱзгарже йоҥгат, герой-влакын чийыме моткочак ойыртемалтше вургем, сӧрастарыме ӱзгар чыла тидым ӧрын ончаш таратат. Но тӱҥ шонымаш калыкын кӧргӧ чон дене виян улмыжо, нелылыкым сеҥен, шке эрык верч, пиал верч кучедалмыже дене кылдалтын.
Тӱҥ герой Салий (тудак вараже Нӧнчык Патыр, Важык Нер, Ош Пондаш) мотор Пампалчым марлан налаш манын, олно шотеш пуаш келшен толшо поянлыкым кычал кая. Да илемышкыже шӧртньӧ муно дене пӧртылеш. Но ты муно тудлан веле огыл, пӱтынь калыклан ойгым конда – тудын кӧргыж гыч Таргылтыш лектеш. Вара ятыр жап Тӱкан Шурын кидше йымалне орлыкым чыташ логалеш. Но кеч-могай осалынат мучашыже садак лиеш. Тиде поэмыште тудым самырык рвезе Акмазик саркурал полшымо дене огыл сеҥа. Тидым ышташ тудлан шкеж гаяк яндар да поро чонан Унавий, нунын волгыдо йӧратымашышт полшат.