Шкетан театрым Владимир Путин саламлен

 

Таче М.Шкетан лӱмеш Марий национальный драме театр шкенжын 100 ияш лӱмгечыж дене кылдалтше тургымжым почеш. Тиде актер, режиссер, театрын чумыр пашаче ешыжлан веле огыл, ончышо-влакланат — кугу пайрем. Тиде пайрем вашеш Россий Федерацийын Президентше Владимир Путин саламлымашан телеграммым колтен. Тушто теве кузе возымо:

Пагалыме йолташ-влак!
Тендам М.Шкетан лӱмеш Марий национальный драме театрыште 100 ияш лӱмгече дене кылдалтше тургымым почмо дене саламлем.
Чыла тиде ийлаште Тендан чапле театрда пеш кӱлешан воспитательный да проветительский миссийым шукта, шуко национальностян элысе культурын моткоч ойыртемалтше йӱлажым аралымашке да вияҥдымашке шкенжын надыржым пышта. Марий сылнымутын классикше, Российысе моло драматург-влакын произведенийышт почеш шындыме чапле спектакль-влакым ончышо эре кугу куан дене вашлиеш.
Театр калык коклаште кугу пагылымашым сулен налын, тудо илышыште кӱлешаныш савырнен гын, мутат уке, тиде — коллективын кажне кечын тыршен ыштыме паша саскаже. Тиде режиссер, сценарист, художник-влакын, икманаш, чылаштын, кӧ ойырен налме пашалан да искусствылан ӱшанлын служитлат, кӱкшӧ профессионализмышт нерген ӱшандарен ойла.
Эше ик гана Тендам лӱмгече дене саламлем, сеҥымашым да чыла сайым тыланем.
В.Путин
28.09.2019