Уэмдыме театрым Республикын Главаже ончен савырнен

{phocagallery view=category|categoryid=279|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}

100 ияш лӱмгече тургымым почшаш деч ик кече ончыч М.Шкетан лӱмеш Марий национальный драме театрыш Республикым Вуйлатыше А.Евстифеев толын коштын. Тудо Кугыжаныш архивын театрыште эртарыме выставкыж дене палыме лийын, вара уэмдыме фойем, залым ончал савырнен, сценысе механике кузе пашам ыштымым аклен. Мучашлан тыге иктешлен каласен:
— Театрым уэмдыме пашам жапыштыже да сайын шуктымо. Сцене ынде театрын репертуаржым утларак кумдаҥдаш йӧным пуа. Театр -юзо шӱлышан, моткоч ойыртемалтше вер. Ончышо тышке эре коштын да уэмдыме театрыш толаш кумылжо эшеат ешаралтеш. Национальный театрым Марий Эл Республикын 100 ияш лӱмгече программыже кышкарыште палемдыме пункт почеш ачален олмыктымо. Моткочак сай: тудо кӱрылтде да сай качестве дене ышталтын.

 

А ме ушештарена: уэмдыме театрым да лӱмгече тургымым почмо пайрем 4 октябрьыште лиеш. Тудо 16.30 шаг. тӱҥалеш.