У тургымлан у спектакль ямде

Режиссер В.Домрачев тиде кечылаште А.Волковын «Йорга вате» пьесыж почеш тыгаяк лӱман спектакльым ямдылен шуктен, художественный советлан ончаш темлен. У пашам сайлан шотлымо да калык ончыко лукташ темлыме. Лишыл жапыште тудым районлаште илыше-влак ужын кертыт.
Пьесе кодшо курымысо кандашлымше ийла тӱҥалтыште возалтын. Но тушто тарватыме йодыш-влак жап эртыме дене илыш гыч кораҥын огытыл. Усталык аланыште тыршыше ик мастар еҥлан тӱҥ верыште шӱм-чон поянлык гын, весылан – кугу окса. Ик ӱдырамаш пелашыжлан илышыште ӱшанле эҥертыш гын, весылан тудын оксаже веле кӱлеш, мотор да шергакан арверлан кӧра шкенжымат «ужалаш» тореш огыл. Чыла тидым артист-влак мастарын почыт.
Тиде спектакль Василий Домрачевын 55 ийым, драматург Арсий Волковын шочмыжлан 95 ий теммылан пӧлеклалтын.

{phocagallery view=category|categoryid=223|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}