Премьер да авторжо дене вашлиймаш

{phocagallery view=category|categoryid=282|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}

18, 19 октябрьыште венгр драматург Чаба Секейын «Цветок шахт» пьесыж почеш шындыме «Илена-йӱлена» спектакльын премьерже эртен. Тиде проиведенийым Венгрийысе, Румынийысе сценылаште модыт. Марий театр ты радамыште кумшо лийын. Автор тудым шкеак ужаш кумылаҥын да Йошкар-Олаш толын. Икымше кастене спектакльым ончымеке, тудо театрын коллективше, артист-влак дене вашлийын, чон почын мутланен. А эрлашынже репетиций залыште лӱмын вашлиймаш эртен.

Чаба – тӱҥ специальностьшо дене журналист, но икмыняр жап гыч сылнымут аланыш куснен, кызыт тудо профессиональный драматург. Моло жанрыште ок ыште. Чылаже латкок пьесыже уло, тыгак вес драматург-влак дене пырля возымо икмыняр произведенийын ик авторжо.
«Цветок шажт» — икымше пьесыже. Тудым лу ий ончыч возен (драматурглан кызыт 38 ий). Тиде пьесе — трилогийын ик ужашыже. Вес кок пьесыже тыгак шахтер-влакын илышышт дене кылдалтын, нуным посна герой-влак ушен шогат.
Марий сценыште шындыме спектакль Чаба Секейлан келшен. Мый мом каласаш шоненам, режиссер Роман Алексеев тидым сайын умылен да ончыктен кертын, иктешлыме годым каласен тудо.
Икымше кечын спектакльым Венгрийын Казаньысе консульствыжын Тӱҥ консулжо Адам Штифтер ончен.

{phocagallery view=category|categoryid=281|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}