«Тулар ден тулаче» Казаньыш кая

Поро йӱлам умбакыже шуен, М.Шкетан лӱмеш Марий драме театр 26 февральыште уэш Казаньыш кая. Г.Камал лӱмеш Татар академический театрын сценыштыже марий артист-влак Н.Арбанын пьесыж почеш шындыме «Тулар ден тулаче» спектакльым модын ончыктат. Кодшо кечылаште театрын тӱҥ режиссержо Роман Алексеев ден Марий Элын калык артисткыже Светлана Строганова татар телевиденийыште уна лийыныт. Нуно эфирыште журналист-влакын йодышыштлан вашештеныт.
Каласаш кӱлеш, марий артист-влакым ончаш Татарстанын рӱдолаштыже илыше-влак веле огыл, районла гычат толыт. Да марий веле огыл, вес калыкын шочшыжо-влакат мемнан спектакльым ончаш кумылан улыт.
19 мартыште Татар театр Марий театрын сценыштыже модаш тӱҥалеш.