Театрыште – у спектакль-влак

{phocagallery view=category|categoryid=263|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}

М.Шкетан лӱмеш театрыште газет, радио да телевидений пашаеҥ-влаклан пресс-конференций эртен. Театрын художественный вуйлатышыже Василий Пектеев, тӱҥ режиссер Роман Алексеев, режиссер Василий Домрачев кызытсе тургым мучаште да шушаш тургым тӱҥалтыште ыштышаш паша план дене палдареныт.
Ушештарена, тений 29 ноябрьыште татрлан 100 ий темеш, сандене усталык коллективын пашаже пӱтынек гаяк тиде дате дене кылдалтын. Пытартыш тылзылаште артист-влак районлашке лектыт, кечывалым изирак ийготан йоча-влаклан, школыш коштшо-влаклан, кастене кугыеҥ-влаклан спектакльым темлат.
Стационарыш кажне тылзын ончышым у спектакльыш ӱжыт. Тыге, 23 мартыште С.Николаевын пьесыж почеш В.Пектеев сценыш у спектакльым луктеш. 26 мартыште коллектив йоча-влакым калык йомак негызеш шындыме «Нӧнчык патыр» спектакльыш ӱжеш (либреттон авторжо Н.Кузьминых).
Лишыл жапыште режиссер-влак у пашалан пижыт. Тиде «Шӧртньӧ лудо» (Ю.Байгуза, В.Пектеев), «Мланде йымал пеледыш» (венгр автор Чаба Секей), «Уло яллан ик Йогор» (белорус драматург В.Ткачев) спектакль-влак.
2 апрель гыч театр Свердловский областьыш, Башкортостан республикыш «Человек из Подольска» да «Ӱжында?» спектакль-влак дене гастрольыш кая.
Журналист-влак ден театр пашаеҥ-влак ончыкыжо пырля пашам ыштыме шотышто каҥашеныт.