Театрын художественный вуйлатышыже В.Пектеевлан – 65 ий!

Пагалыме Василий Александрович!
Саламлена Тендам йыргешке шочмо кечыда дене. Ме палена, уремыште теле йӱштӧ шога гынат, Тендан чонда эре шокшо, тушто усталык тул йӱла, ик жапланат ок эркышне. Чыла шонен пыштымыдам илышыш шыҥдараш ончыкыжо тек корно почылтынак шога. Пашаште у деч у кӱкшытым, пеҥгыде тазалыкым, кужу ӱмырым, пиалым, чонышто ласкалыкым тыланена.
М.Шкетан лӱмеш Марий драме театрын коллективше.

А ончышо-влакым 26 январьыште Василий Пектеевын «Ыле уремыште шошо…» бенефис касышкыже пагален ӱжына. Тудо 16.00 шаг. тӱҥалеш.