Россий кӱкшытыштӧ «Театр нерген возена!» театральный рецензий да театрлан пӧлеклалтше йоча сӱрет конкурс-влакым увертарыме. Тудын региональный этапше Марий Элыштат лиеш.
Конкурс-влак Российыште Театр идалык да йоча-влаклан пӧлеклалтше «Театр – йоча-влак» культурно-образовательный проектым илышыш шыҥдарыме кышкарыште эртаралтыт.
«Театр нерген возена!» конкурсыш кугыжаныш, муниципал да кугыжаныш огыл общеобразовательный организацийлаште, кыдалаш профобразований туныктымо организацийлаште тунемше, тыгак инвалид, тазалык шотышто тӱганен кушшо йоча-влак ушнен кертыт. Ийгот шот дене конкурсым кок категорийлан шелме: 17-18 ияш-влаклан 2019 ий 23 апрель гыч 30 май марте; 11 -16 ияш-влаклан – 2019 ий 23 апрель гыч 18 август марте.
Йоча сӱрет конкурс кок кутышын эрта: 2019 ий 23 апрель гыч 18 август марте – региональный, 2019 ий 19 август гыч 1 сентябрь марте – федеральный.
Регион кӱкшытан конкурсыш ушнаш йодмашым тыгай адрес дене колтыман: teatrdetyam_rme@mail.ru
Положение о Детском всероссийском конкурсе рисунков, посвященных театру