«Шарнымаш сорта» акцийыш ушнен…

М.Шкетан лӱмеш Марий драме театрын пашаеҥже-влак моло ийласе семынак 26 апрельыште, Марий талешке кечын, «Шарнымаш сорта» акцийыш ушненыт.
Марий писатель-классик С.Чавайнын чапкӱжо воктене пеледышым пыштымек, Марий театрын историйыштыже, пӱтынь марий искусствышто келге кышам кодышо лӱмлӧ да уста еҥ-влакын Шарнымаш оҥашт деке лишемын, кажныж нерген поро мут дене шарналтеныт. Тыгайже коклаште драматург Сергей Николаев, Константин Коршунов, режиссер Сарра Кириллова, актер-влак Елена Сошникова, Майя Романова, Степан Кузьминых, Виктор Бурлаков, Георгий Пушкин, Анастасия Страусова, Анастасия Тихонова, Йыван Кырля лийыныт. А Яков Павлович Майоров-Шкетанын театр воктене улшо памятникше воктене сортам чӱктен, ончыкыжо ыштышаш паша нерген ойленыт.
Тыгай акций марий калыкын чапланыше еҥже-влакын лӱмыштым ушышто кучаш веле огыл полша, тудо у шонымашым шочыкта, у пашалан кумылаҥда.

{phocagallery view=category|categoryid=218|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}