{phocagallery view=category|categoryid=256|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}
Ончылгоч увертарыме семынак, 26 декабрьыште М.Шкетан лӱмеш Марий драме театр калыклан «Аниса, Анфиса, Алиса» спектакльым ончаш темлен. Ты гана тудо пьесын авторжо, Марий Элын калык писательже Вячеслав Абукаев-Эмгакым шарнымашлан пӧлеклалтын.
Спектакль тӱҥалме деч ончыч театрын тӱҥ режиссержо Роман Алексеев тудын драматург семын тыршыме пашаж нерген каласкален. А спектакль пытымеке, сценыш писательын пелашыже Любовь Абукаева, поро кумылым ончыктышо «Ший памаш» сылнымут фондым вуйлатыше да писатель Василий Краснов да Марий книга савыктышын директоржо Юрий Соловьев лектыныт. Писательым шарнен илымылан тауштен, нуно театрын икмыняр пашаеҥжылан «Вячеслав Абукаев-Эмгак» шарнымашан медальым кучыктеныт. Тиде медаль дене «Аниса, Анфиса, Алиса» спектакльыште модшо чыла артистым палемденыт.
Вячеслав Абукаев-Эмгакын лӱмжӧ театрын историешыже курымлан возалт кодеш.