{phocagallery view=category|categoryid=290|limitstart=0|limitcount=0|detail=3|displayname=0|displaydetail=0|displaydownload=0|displaydescription=0|displayimgrating=0}
Режиссер-постановщик – В. Пектеев
Художник-постановщик – В. Пектеев
«Шӧртньӧ лудо» спектакльын сюжетшым шке жапыштыже республикын икымше президентше В.М.Зотин каласкален. Кодшо курымысо 60-шо ийлаште Морко районысо ик ялыште озавате лудым шӱшкылын да пагарыштыже шӧртньӧ падырашым муын. Тиде факт негызеш драматург Ю.Байгуза ден режиссер В.Пектеев оҥай комедийым возеныт. Ик чимарий пайрем вашеш озавате лудым шӱшкылеш да пагарыштыже кӱ падырашым луктеш. Пошкудыжо шке жапыштыже шӧртньым мушмаште ыштен улмаш, тудо чыла могырымат шымлен онча да иктешлымашым ышта: тиде – шӧртньӧ падыраш. Ты увер пеш писын лишыл яллашке веле огыл, кундем мучко шарла. Еҥ-влак коклаште содом тӱҥалеш. Чыланат озанлыкыште кучымо вольыкым, кайыквусым шӱшкылаш тӱҥалыт. Поян-влакат тыгай увер деч ӧрдыжеш огыт код, нуно шӧртньӧ лийын кертме сурт-оралтымат, мландымат руалтен налнешт…
Спектакль тачысе кечылан келшен толшо, тудо келге философиян. Герой-влакын характерышт, нунын ыштыме ошкылышт гоч автор-влак каласынешт: ача-коча йӱлам эскерен да шуктен толаш кӱлеш. Айдеме Ош Кугу Юмын туныктымыж деч кораҥеш гын, осал вий-влак озаланаш тӱҥалыт, кугезе-влакын мландыштымат руалтен налыт.