Сандаков Алексей Вениаминович


Сандаков Алексей Вениаминович. Куженер районысо Чашкаялыште 1978 ий 18 январьыште шочын. 1995 ийыште Токтайбеляк кыдалаш школым тунем пытарымеке, Марий республиканский культур да искусство колледжыш, актерский отделенийыш тунемаш пура. Но тыште тудо ик арням веле тунемеш. Тудым Москосо М.Щепкин лӱмеш кӱшыл театральный училищын марий студийышкыже налыт. Алексей иканаште кокымшо курсышто тунемаш тӱҥалеш.

Студент жапысе чоҥымо рольжо-влак:
Ж.Б.Мольер. «Тартюф» — Валер
А. Островский. «Вараш кодшо йöратымаш» — Дормедонт

1998 ийыште марий студий дене пырля М.Шкетан лӱмеш марий национальный тетрышке пашам ышташ толеш. Кугу сценыште икымше ошкылжо — М.Шкетанын «Ачийжат-авийжат» спектакльыште Санун рольжо.

Чоҥымо роль-влак:
А. Пудин. «Эреҥер» — Пагул
Н. Арбан. «Кеҥеж йӱд» — Мичуш
Ю.Байгуза. «Порсын лӱҥгалтыш» — Лапаш
Ю.Байгуза, В. Пектеев «Окса тул» — Вачай
С. Николаев. «Салика» — Шужышо каче
А. Островский. «Мом кычалат тудымак муат» — Бальзаминов
А. Островский. «Чодыра» — Буланов
А. Вампилов. «Сонар содом» — Саяпин
М. Бертенев. «Окмак Йыван нерген йомак» — Йыван. 
А. Слаповский. «Вашпижмаш» — Сын
Л. Пиранделло. «Айдеме, янлык да чон яндарлык» — Тото
В. Абукаев-Эмгак. «Ош кече йымалне» — Эрай
В. Абукаев-Эмгак. «Куку шагат» — Артем
А. Петров. «Кронуш» — Феофан
Ф.Крец. «Роза-Розмарий» — Петруш
З. Долгова. «Полдыранат ош пеледышан» — Карасим
М. Бертенев. «Лумоҥгыр ӱдыр» — Вӱдон