Акпарс оным ушештарыше артист

Театрыште модшо артист сцена пашам веле пала, молым ок мошто манын шонеда гын, йоҥылыш лийыда. Кызыт илышыште шукылан тунемде огеш лий. М.Шкетан лӱмеш Марий национальный драма театрыште ынде латкумшо ий ыштыше Александр Бирюковат чыла могырым мастар.
Тудын дене "Вучо, мане, пӧртылам" спектакльым ончымо деч вара вашлийын кутыраш кумыл лекте. Литовец Римасын койышыжым чоҥышо А.Бирюковым эскерымем годым ты айдеме илышыштыжат тыгаяк, тӱрлӧ могырым ойыртемалтше манын шонымем пеҥгыдемдалте.
- Пьесысе герой койыш-шоктышыж дене могай лийшашым шкеак келыштаренам. Библиотекыште шуко книгам шерын лекташ логале. Римас марла ок мошто, йоҥылыш ойлышташ тӧча да монь. Кутырымо йылмыш тыгак литва шомак-влакым шке пуртенам. Чыла тидым режиссерлан темлымек келшыш. Литва калык мурымат тунемым, - манеш Александр.
 А.Бирюковын тӱрлӧ спектакльыште модмо тыгай рольжо ынде нылле нарышкат погына. Марий калыкын шукертсек йӧратыме "Ачийжат-авийжат...", "Морко сем" гай спектакльлаште тудо чӱчкыдын модеш. Шоҥгыеҥ але самырык, урядник але бандит семынат койын мошта. Шуко паша кокла гыч У.Шекспирын "Кожла кокласе омо" пьесыж почеш шындыме спектакльыште Фелистратын рольжо тудлан поснак шерге, очыни. Эреак подылшо коштшо ты геройын койыш-шоктышыжымат тудо шкеак шонен луктын, мутым мӧҥгешла ойлышт моштымо ойыртемжым пуртен. Тыге фестиваль годым кугу критик-влакланат тиде герой келшен, "але марте тыгай образым ужын огынал" манын ойленыт.
Тыгаяк тудо илышыштыжат: мом ышташ пижеш гын, чылажымат кӱлеш семын келыштара. А.Бирюков театрыште артист паша дене пырля постановка ужашын (чыла цехын) вуйлатышыжлан ышта. Коллективыште профком председательын пашажымат шукертак тудлан ӱшаненыт. Ончыч  сценылан декорацийым вераҥдымаштат ыштен. Икманаш, тӱрлӧ шӧрынан улмыж дене ойыртемалтше. Иктаж-мом ужеш, чонжылан келша гын, тудым ыштен ончыде ок чыте. Шернур район, Тамшэҥер ялеш шочшо рвезе йочаж годым пу гыч тӱрлӧ ӱзгарым ышташ йӧратен: совлам, шкатулкым, пура коркам, талиҥгам да молымат. Кушмо семын кугурак ӱзгарлан пижын. Тыге ӱстел ден прихожийлык шкаф мартеат шуын. Яра жап шагал кодмылан кӧра тиде паша кызыт изиш мондалтын. Но мастарлыкше ситыше. Кӱлеш гын, пачерым олмыкташат пижын кертеш, штукатуритла, шпаклеватла, моло пашам шукта.
Александр мӧҥгыштат ӱшанле суртоза семын ойыртемалтше. Кӱлеш гын, Алина пелашыжлан тамле кочкышымат ямдыла. Коктынат театрыште улыт, сандене мӧҥгыштӧ шинчаш пешыже огыт ярсе. Тыгай годым кӧн жапше лиеш, тудо кочкаш шолта.
- Вургемымат мушкын моштем: кнопкым темдалам, да машина пӱтыра веле, - воштылалеш Александр да 10 ияш Даниил ден ныл ияш Миша эргыже-влакым ӧндал колта.
Алина дене нуно Москваште тунеммышт годымак келшеныт, 1999 ийыште ушненыт. Кок йӧратыше шӱмлан сценыштат коклан тыгаяк рольым модашышт логалеш. А изиш паша деч ярсымеке, коктынак тамада семын тыршат: лӱмгече пайремым эртарат, концертым вӱдат. Яра шинчаш нимыняр огыт ярсе, эреак уым кычалыт. Ты шотышто Саша эше ик секретше дене палдарыш: шукерте огыл тӱрлӧ фокусым ыштылаш тунемаш тӱҥалын. Тугеже вашке сценыште марий фокусникымат ужын кертына манын шонаш лиеш.
Тидымат шукын огыт пале: Александр Бирюков - Курык марий районышто икмыняр ий ончыч шогалтыме Акпарс памятникын прототипше. Ты скульптурым ыштыме деч ончыч художник-влак С.Яндубаев ден А.Ширнин марий онын тӱсшым лач тудын чурийыштыже ужыныт. Ожно годсо вургемым, кемым чиктеныт, пондашым пижыктеныт, кӱслем кучыктеныт да Акпарс семынак кидым нӧлтал шогаш ойленыт. Тыге иктаж шагат сниматлыме деч вара кызытсе памятникын макетше шочын.
Мыланнаже коклаштына тыгай талешке улмылан куанаш да кугешнаш гына кодеш.
Э.ИМАНАЕВ.

«Марий Эл», 2011 ий 26 март

 

Афиша

23 ноября, ЧТ
ПРЕМЬЕРА
Эреҥер
Сцены из романа
Начало 18.00, 12+
Купить билет

24 ноября, ПТ
ПРЕМЬЕРА
Эреҥер
Сцены из романа
Начало 18.00, 12+
Купить билет

25 ноября, СБ
ПРЕМЬЕРА
Королева гусей
Волшебная музыкальная сказка
Начало 11.00, 6+
Купить билет

26 ноября, ВС
Развод по-марийски/Ойырледа? Огына ойырло!
Комедия
Начало 15.00, 12+
Купить билет

29 ноября, СР
Любовь и голуби/Йöратымаш да кöгöрчен-влак
Забавная история
Начало 18.00, 12+
Купить билет

30 ноября, ЧТ
Летняя ночь/Кеҥеж йӱд
Музыкальная комедия
Начало 18.00, 12+
Купить билет

3 декабря, ВС
Юбилейный концерт
Ансамбля песни и танца

"ДОНБАСС"
Начало 15:00, 6+
Купить билет

6 декабря, СР
Салика
Музыкальная комедия
Начало 18:00, 12+
Купить билет

8 декабря, ПТ
Сон в летнюю ночь/Кожла кокласе омо
Комедия
Начало 18:00, 12+
Купить билет

9 декабря, СБ
Лесная сказка
Сказка для детей
Начало 11:00, 0+
Купить билет

10 декабря, ВС
ПРЕМЬЕРА
Эреҥер
Сцены из романа
Начало 15:00, 12+
Купить билет

13 декабря, СР
Коварство и любовь/Осал чоялык да йöратымаш
Трагедия
Начало 18:00, 12+
Купить билет

14 декабря, ЧТ
Гала-концерт, посвященный 75-летию Муслима Магомаева
Начало 18.30, 6+
Купить билет

16 декабря, СБ
Вечер Землячества
восточных марийцев

Крестница/Кресудыр

Грустная комедия
Начало 15:00, 12+
Купить билет

24 декабряВС
Новогодний патруль
Интермедия для детей
Начало 10:00, 0+
Купить билет

28 декабря, ЧТ
"Желая счастья, приходит Новый год"/"Сöрен пиалым, толеш У ий"
Новогодний концерт
Начало 18:00, 12+
Купить билет

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел.
78-13-78 (касса).

Виртуальный тур

Юбилейные даты


26 октября - 75 лет
засл. арт. МАССР,
засл. арт. РСФСР
Геннадию Копцеву
(1942-1994)

4 ноября - 85 лет
писателю-драматургу,
засл. работнику культуры РФ
Миклаю Рыбакову
(1932-2004)

12 ноября - 105 лет
артистке
Анастасии Филипповой
(1912-1938)


21 ноября - 110 лет
нар. арт. МАССР,
засл. арт. РСФСР
Георгию Пушкину
(1907-1993)


30 ноября - 105 лет
драматургу,
засл. деятелю искусств МАССР
Николаю Арбану
(1912-1995)


6 декабря - 75 лет
засл. арт. МАССР,
засл. арт. РСФСР
Галине Ивановой-Ямаевой




 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)