Комедия
Кӧ ок пале марий литературын классикше Майоров-Шкетанын ик актан мыскара комедийже-влакым?! Тиде – «Лапчык Каритон», «Важык вуян йыдал», «Кок сӱанат пеле», «Ораде». А ынде лӱмлӧ писательнан моло мыскара произведенийже-влакымат сценыште ужаш лиеш. Драматург Геннадий Гордеев нине  мыскара ойлымаш-влак негызеш кок ужашан «Сӧсна поминка» койдарчык пьесым  возен. А Шкетан театр тудым сценышке луктын. «Воштылаш, товатат, сулык огыл», чынрак каласаш гын, «Воштылаш гын, Шкетан дене пырля» – тыге йоҥга «Сӧсна поминка» спектакльын кокымшо лӱмжӧ. Те тушто Шкетанын койдарчык сынан Васлий, Васлий вате, Опой кува, Ятман-Катман, Патай Сопром да моло оҥай персонажше-влак денат вышлийын кертыда. «Сӧсна поминка» але «Воштылаш гын, Шкетан дене пырля»… кок шагат… мӱшкыр кучен… Шкетан театрыште. Ушештарена: «Сӧсна поминка» пьеса кодшо ийысе «Эн сай пьесе» конкурсышто 1 верым налын.
 
Спектакльым Марий Элын сулло арт. Роман Алексеев шынден
Декорацийлан эскизым Марий Элын кугыжаныш премийын лауреатше Сергей Таныгин сӱретлен
Семым Сергей Пчелкин келыштарен
Куштымашым Татьяна Алексеева шынден
 
Модшо-влак:
 
Васлий — Марий Элын кугыжаныш премийын лауреатше, арт. Андрей Бусыгин
РФ сулло арт., Марий Элын калык арт. Иван Смирнов
Васлий вате — Марий Элын сулло арт. Светлана Сандакова
Опой кува — Марий Элын калык арт. Раисия Макарова
Марий Элын калык арт. Ольга Харитонова
Першыл —  МАССР-ын сулло арт. Юрий Алексеев
Сакар вате — арт. Галина Иванова
Ик вате — арт. Светлана Филиппова
Ятман-Катман — Марий Элын кугыжаныш премийын лауреатше, арт. Эдуард Яковлев
Патай Сопром — Марий Элын сулло арт. Сергей Данилов
Микал — арт. Алексей Сандаков
Марпа — арт. Марина Почтенева  
 
  
 

Additional information

До празднования 100-летия театра осталось