Тений ме Кугу сеҥымашын  70-ше идалыкшым  палемдаш тӱҥалына.  Мо таче мыланна тиде пайрем? Коча-кована-влак тиде шучко да неле жапым ӱмырышт мучко шарненыт да нигунамат огыт мондо. Патриотизм шӱлышеш кушшо кокла ийготан тукымат тиде кечым чонешыже сакла. А кузерак  тудым самырык тукымна акла? Чынрак ойлаш гын, палат мо, шижыт мо тидын нерген палаш да шарнаш кӱлмым? 
М. Шкетан лӱмеш Марий кугыжаныш драме театрын артистше-влак Сеҥымашын 70-ше идалыкшылан пӧлеклалтше «Завтра была война» у программым ямдыленыт. Тиде мероприятий лачак самырык тукымлан пӧлеклалтын. Программыште сар пагытысе муро, почеламут-влак йоҥгалтыт; сар жапысе илышым ончыктышо драматический ужаш ден илыш гыч налме чын тат-влак модын ончыкталтыт. Программын постановщикше Марий Элын сулло артистше Александр Бирюков тыгак марий калыкын сар жапысе илышыжым ончыктен. Вет мемнан пашаче да чытыше марий калыкнан сеҥымашым лишемдымаште надырже пеш кугу. 
Ӱшанена, историйнам палаш, герой-влакнам шарнаш, шке мландынам аралаш, аклаш да йӧраташ ме эре тӱҥалына.

  

 

Additional information

До празднования 100-летия театра осталось