Жанр: комедий

«Салика» спектакль марий драматург Сергей Николаевын тыгаяк лӱман пьесыж почеш М.Шкетан лӱмеш Марий кугыжаныш драма театрын сценыштыже ынде 1938 ий гычак ончыкталтеш. Икымше гана ты пьесын геройжо-влакым сценыш марий калыкын икымше профессиональный режиссёржо А.Маюк-Егоров шынден. Варарак тудым «калыкын тушманже» манын титаклен кучен наҥгаеныт да 1938 ий октябрьыште лӱен пуштыныт. Вес ийынак тиде спектакльым режиссёр С.Савельев уэш шынден.
Спектакльыште действий 1912-1914 ийлаште эрта. Тӱҥ герой-влак Салика ден Эчук ваш йӧратат, коктынат поян Ози Кузилан батракыш коштыт. Кок йӧратыше самырык еҥлан пырля лияш веле ыле, но нунын озашт – Ози Кузи – вес поян марий, Акпай Полат, ончылно парымыш пурен. Тудыжын шукерте огыл пелашыже ош тӱня дене чеверласен, шкетын кодын. Мотор, сылне Саликам ужын, самырык ӱдырым пеленже кучымо нерген шонкалаш тӱҥалын да тидымак Ози Кузилан ойлен. Парым деч утлаш манын, весыже Саликам Акпай Полатлан виеш туларта. Но ялысе самырык ӱдыр-рвезе-влак Салика ден Эчукын пиалышт верч шке семынышт кучедалаш тӱҥалыт. Тыгодым Эчукын йолташыже Чопай да Саликан йолташ ӱдыржӧ Марина чылажымат ышташ ямде улыт.
Спектакльыште шуко муро йоҥга. марий калыкын илыш-йӱлаже ончыкталтыт.
Спектакльым Марий Элын калык артистше Василий Домрачев шынден.

  

Additional information

До празднования 100-летия театра осталось