«Кугэрге» комедийыште илышын ик эн тӱҥ йодышыжо-влак – тукым кокласе вашкыл, йӧратымаш да лишыл еҥ-влакын ваш умылен моштымышт – рашемдалтыт. Тиде спектакльыште автор  метафора темым кумдан почын ончыкта: мӧҥгӧ тема сандалыкын символжо семын ончыкталтеш. Драматург шкежат йоча улмыж годымак ача деч посна кодын, садлан кӧра ача ден эрге кокласе вашкылым чон вургыж ончен.
Кок рвезе – мединститутын студентше Володя Бусыгиным да Сильва лӱмедышан Семён Севастьяновым, торговльо шотышто агентым – танцыште палыме лийыныт. Ола тӱрыштӧ илыше кок ӱдырым мӧҥгышт ужатымылан кӧра нуно пытартыш электричкыш вараш кодыт. А йӱдым кушто-гынат эртараш кӱлеш. Рвезе-влак Сарафановмыт пачерыш йыҥгыртат. Йӧным муын моштышо Сильва Бусыгиным Андрей Григорьевич Сарафановын сар деч вара вашлийме ӱдырамашын эргыже семын палдара. Йӱдым кузе-гынат эртараш манын, Володя Бусыгин тидлан тореш огеш лий.

 

 

 

Additional information

До празднования 100-летия театра осталось