Мо нерген вара тиде спектакль? 
Эн ондак каласена: путырак весела музыкальный комедий. Пьесын вуймутшо гычак коеш: тÿҥ герой-влак ÿдыр-шамыч улыт. Эше ешарена: кум акак-шÿжарак. Ялысе вате-марий Йосип ден Маринан кум икшывыштат вуеш шуыныт. Эн кугуракше – туныктышо Аниса – пырля пашам ыштыше завучлан марлан лекташ ямдылалтеш. Но кугу акан пелаш лийшашыже але шукерте огыл гына тудын шÿжарже Анфиса дене келшен. А ешыште эн изи ÿдыр – медколледжын студенткыже Алиса – каникуллан толшыжла ялышке кугу уверым конда: Анисан шукертсе икымше йöратымашыже, мÿндыр плаванийын капитанже Тимофей отпускыш пöртылеш. 
Унала толшо капитаным иканаште Анфисат, Алисат йöратен шындат. Тыгодымак Анисан чонешыжат икымше йöратымашыже угычын ылыжеш. Кузе вара кум ака-шÿжар ик качым пайлаш тÿҥалыт, завуч Александр Ивановичын койыш-шоктышыжо мо семын почылтеш? Чын йöратымашын акшым палаш моряк Тимофейын кенеташте «атипичный пневмоний» дене черланымыже рашемден пуа... 
Спектакльыште театрын уста артистше-влак модыт. Нунын коклаште мемнан землякна-влак Марий Элын калык артистше Олег Кузьминых, Марий Элын сулло артистше Светлана Строганова улыт. 

  

Additional information

До празднования 100-летия театра осталось